პაციენტის მდგომარეობა კვლავ მძიმეა, შეიკრიბა კონსილიუმი, რომელმაც გააერთიანა ჩვენი ქვეყნის წამყვანი რეანიმატოლოგები, – ამის შესახებ „კავკასიის მედიცინის ცენტრის“ დირექტორმა, სოფო ასპანიძემ განაცხადა.

ასპანიძის თქმით, რეანიმატოლოგები აკვირდებიან სიტუაციას და ერთობლივად მოქმედებენ.

„პაციენტს საათობრივად უტარდება ანალიზები. ზოგადად, კრიტიკული მედიცინის დეპარტამენტში მოთავსებულ პაციენტებს გაცილებით ინტენსიურად უტარდებათ ეს ანალიზები. მაჩვენებლები კვლავ საკმაოდ საყურადღებოა. ჰემოდინამიკა შენარჩუნებულია ისეთი, როგორიც იყო. ექიმების მოწვევასთან დაკავშირებით ალბათ სამინისტრომ უნდა მიიღოს გადაწყვეტილება, ჩვენ ღია ვართ ყველანაირი თანამშრომლობისთვის, აბსოლუტურად ყველანაირი კოოპერაციისთვის“, – განაცხადა ასპანიძემ.

ჯანმრთელობის მდგომარეობის გამო, ღამით პატრიარქი ილია II კავკასიის მედიცინის ცენტრში გადაიყვანეს. ინფორმაცია საქართველოს საპატრიარქოს საზოგადოებასთან ურთიერთობის სამსახურმა გაავრცელა.

მოგვიანებით, კლინიკის დირექტორმა თქვა, რომ ილია II კავკასიის მედიცინის ცენტრში, რეანიმაციულ განყოფილებაშია მოთავსებული და მართვით სუნთქვაზე იმყოფება. 

მისივე თქმით, ილია II კლინიკაში კუჭიდან მასიური სისხლდენით შეიყვანეს. 

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს