სამშაბათს, 10 მარტს, საღამოს, შვეიცარიის ქალაქ კერცერსში ავტობუსში გაჩენილი ხანძრის შედეგად, სულ მცირე ექვსი ადამიანი დაიღუპა და ოთხი დაშავდა.

ამის შესახებ შვეიცარიული გაზეთი „24 Heures“ იტყობინება.

პოლიციის ცნობით, ავტობუსს ფრიბურგის კანტონში, კერცერსში, გზაზე ცეცხლი გაუჩნდა.

ავტობუსში მყოფი მგზავრების საერთო რაოდენობა ჯერ კიდევ უცნობია. თვითმხილველების თქმით, ავტობუსი გამვლელების თვალწინ მთლიანად დაიწვა.

სამართალდამცავი ორგანოები ხანძრის გამომწვევ მიზეზებს იძიებენ. პოლიციის ცნობით, ის შესაძლოა განზრახ იყო გაჩენილი. გამომძიებლები განიხილავენ შესაძლებლობას, რომ ავტობუსის ერთ-ერთმა მგზავრმა საწვავი საკუთარ თავს გადაასხა.

„ამ ეტაპზე, ჩვენ გვაქვს ელემენტები, რომლებიც ავტობუსში მყოფი პირის განზრახ ქმედებაზე მიუთითებს“, - განაცხადა ფრიბურგის პოლიციის წარმომადგენელმა ფრედერიკ პაპომ.

განცხადებაში ასევე აღნიშნულია, რომ ოთხი მგზავრი დაშავდა, რომელთაგან სამი მძიმე მდგომარეობაშია. სამაშველო ოპერაციის დროს ასევე დაშავდა მედიკოსი.

პოლიციის ცნობით, ხანძრის შედეგად დაღუპულთა იდენტიფიცირებას შესაძლოა რამდენიმე დღე დასჭირდეს.

შეგახსენებთ, რომ ახალი წლის ღამეს შვეიცარიის კურორტ კრანს-მონტანაში ტრაგიკული ხანძარი მოხდა, რასაც 41 ადამიანის სიცოცხლე ემსხვერპლა.

შვეიცარიის კურორტ კრანს-მონტანაში ბარში მომხდარი ფატალური ხანძრის გამოძიების ფარგლებში ცოტა ხნის წინ კიდევ ხუთი ეჭვმიტანილი გამოჩნდა, მათ შორის ქალაქის მერი, ნიკოლას ფერო და ადგილობრივი ჩინოვნიკები.

როგორც ცნობილია, ერთადერთი დაკავებული პირის - თანამფლობელის, ჟაკ მორეტის - გათავისუფლებამ იტალიამ კონსულტაციებისთვის ელჩი გამოიძახა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს