ევროპარლამენტარი: ვიზალიბერალიზაციის პროცესის არჩევნებთან დაკავშირება უპასუხისმგებლო იქნებოდა

2016-03-30 14:36:44, 426 ნახვა

პოლიტიკა

ახლა ვიზალიბერალიზაციის პროცესი არჩევნებთან რომ დაგვეკავშირებინა უპასუხისმგებლო იქნებოდა, - ამის შესახებ ევროპარლამენტარმა ჰაიდი ჰაუტალამ საქართველოს პარლამენტის თავმჯდომარესთან დავით უსუფაშვილთან შეხვედრის შემდეგ ჟურნალისტებს განუცხადა.

მისივე თქმით, ეს პროცესი რომელიმე ხელისუფლებასთან არ არის დაკავშირებული.

„ვფიქრობ, უპასუხისმგებლობა იქნებოდა ახლა ვიზალიბერალიზაციის პროცესი არჩევნებთან დაგვეკავშირებინა, რადგან ეს არ არის დაკავშირებული რომელიმე ხელისუფლებასთან ან წინა საარჩევნო და არჩევნების შემდეგ პროცესთან. ეს არის საკმაოდ მნიშვნელოვანი საკითხი საქართველოს ევროკავშირთან ასოცირების მხრივ და არაა დაკავშირებული იმასთან, ვინაა ხელისუფლებაში,“ - აღნიშნა მწვანეთა პარტიის წევრმა ჰაიდი ჰაუტალამ.

შეგახსენებთ, ევროპის სახალხო პარტიის პრეზიდენტის თქმით ვიზალიბერალიზაციის პროცესი დასრულებული არ არის და საბოლოო გადაწყვეტილებამდე საქართველოს გარკვეული გზა აქვს გასავლელი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან