ენერგოომბუდსმენის სამსახური აცხადებს, რომ ბოლო რამდენიმე დღეა, მომხმარებლები აქტიურად მიმართავენ და გამოთქვამენ პრეტენზიებს ბუნებრივი გაზის მკვეთრად გაზრდილი გადასახადების გამო.

ენერგოომბუდსმენის სამსახური განმარტავს, რომ ბუნებრივი გაზის ტარიფი არ გაზრდილა და აცხადებს, რომ გაზრდილი ხარჯი შესაძლოა, გამოწვეული იყოს სხვადასხვა მიზეზით, მათ შორის:

• მრიცხველის ჩვენების არასწორად წაკითხვა;
• მრიცხველის ტექნიკური დაზიანება;
• კერძო სახლებში, სადაც გაზის ქსელი ეზოშია განთავსებული, დიდთოვლობისა და ძლიერი ყინვის პერიოდში შესაძლებელია, რომ ქსელის გარკვეული მონაკვეთები დაზიანდეს და წარმოიშვას გაზის გაჟონვა, რაც შესაძლოა გახდეს მოხმარებისა და გადასახადის ზრდის მიზეზი.
• ასევე სხვა ფაქტორებით, რაც თითოეულ შემთხვევაში ინდივიდუალური შესწავლის საგანია.

ენერგოომბუდსმენი აცხადებს, რომ მისი სამსახურისადმი მიმართვის შემთხვევაში დაიწყება საქმის სამართლებრივი შესწავლა, შეფასდება დარიცხვის კანონიერება და დავის დასრულებამდე ბუნებრივი გაზის მიწოდება არ შეწყდება სადავო თანხის გადაუხდელობის გამო.

ავტორი: ექსპრესნიუსი,

სოციალური ქსელები

გორში ტელე-რადიო კომპანია „თრიალეთის“ მხარდამჭერი აქცია გაიმართა

თიბისი სტუმრებს Tbilisi Open Air-ზე განსაკუთრებული შეთავაზებებით უმასპინძლებს

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა