ბიზნესმენ ლევან ჯანგველაძის მკვლელობისა და მისი მძღოლის, გია ჩადუნელის მკვლელობის მცდელობის ფაქტზე ბრალდებული ძმების, გიორგი და დავით მიქაძეების ადვოკატის თქმით, ბრლადების მხარის მიერ წარდგენილი მტკიცებულებები მკვლელობის ორგანიზებასთან დაკავშირებით არანაირ ინფორმაციას არ მოიცავს.

ადვოკატის თქმით, მიქაძეებს ბრალდება "ციდან დაეცათ".

"სასამართლო იხილავდა როგორც დაცვის, ასევე ბრალდების მხარის მიერ წარდგენილი მტკიცებულებების დართვის, დასაშვებობის საკითხს. არც ეს მტკიცებულებები, ისევე როგორც სხვა, მკვლელობის ორგანიზებასთან დაკავშირებით არანაირ ინფორმაციას არ იძლევა. ეს მტკიცებულებები მიუთითებს უბრალოდ, რომ ფარცხალაძე იცნობდა მიქაძეებს, მიქაძეები იცნობდნენ ჯოხაძეებს.

[...] მას [გიორგი მიქაძეს] ნამდვილად არანაირი შეხება არ ჰქონია არც მოცემულ პირებთან, არც საქმესთან, არც ორგანიზებასთან, არც ინტერესი ჰქონია და არც მოტივი. მაშინ, როცა ასე, აბსოლუტურად არაფრიდან, ციდან ეცემა ადამიანს ასეთი კატეგორიის სიმძიმის ბრალდება, რა თქმა უნდა, ამ ადამიანის დამოკიდებულება ძალიან მძიმეა ასეთ საკითხთან მიმართებით". - თქვა ადვოკატმა ჟურნალისტებთან.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს