დღეს თბილისის საქალაქო სასამართლოში საპროტესტო აქციის მსვლელობის დროს ტროტუარზე დგომის გამო დაბარებული 5 მოქალაქის პროცესი გაიმართა.

აქციის მონაწილეებს რეჟიმი ედავება 174-ე პრიმა მუხლის მე-10 ნაწილის დარღვევას, რაც გულისხმობს, საპროტესტო აქციის მიმდინარეობისას შესასრულებლად სავალდებულო მითითების შეუსრულებლობას, რამაც საზოგადოებრივი უსაფრთხოებისა და მართლწესრიგის, სახელმწიფო და საზოგადოებრივი ორგანოების, საწარმოების, დაწესებულებებისა და ორგანიზაციების ნორმალური მუშაობის, ტრანსპორტის ან ხალხის (ქვეითთა) შეუფერხებელი გადაადგილების ან ადამიანის უფლებებისა და თავისუფლებების დარღვევა გამოიწვია.

განაჩენი არცერთ საქმეზე არ გამოცხადებულა, მათი განხილვა 2026 წლის იანვარში გაგრძელდება.

• ანი ახმეტელი - შემდეგი სხდომა 9 იანვარი - მოსამართლე ზვიად ცეკვავა;
• ელენე ჯღარკავა - შემდეგი სხდომა 12 იანვარი, 12:00 საათი - მოსამართლე მანუჩარ ცაცუა;
• გიორგი ბულია - შემდეგი სხდომა 12 იანვარი, 12:30 - მოსამართლე მანუჩარ ცაცუა;
• ნორა ცინცაძე - შემდეგი სხდომა 12 იანვარი, 14:00 - მოსამართლე მანუჩარ ცაცუა;
• მარინა ჟვანია - შემდეგი სხდომა 12 იანვარი, 15:00 - მოსამართლე მანუჩარ ცაცუა.

ამავე საქმეზე აქციის სხვა მონაწილეებს სასამართლო სხდომები ჩანიშნული აქვთ ხვალ, 26 დეკემბერს.

ქართული ოცნების მიერ 10 დეკემბერს მიღებული კანონის მიხედვით, რეჟიმს შეეძლება, აქციაზე ტროტუარზე დგომისთვის პატიმრობაში გაგიშვათ. დგინდება სახელმწიფო ორგანოს წინასწარი გაფრთხილების ვალდებულება იმ შემთხვევაში, თუ შეკრება-მანიფესტაცია ხალხის მოძრაობის ადგილას იმართება. თუ შეკრების მონაწილეები არ დასთანხმდებიან შსს-ს მიერ შეთავაზებულ ადგილზე შეკრების ან მანიფესტაციის ჩატარებას, დაეკისრებათ ადმინისტრაციული პატიმრობა 15 დღემდე ვადით, ხოლო განმეორების შემთხვევაში სისხლის სამართლებრივი პასუხისმგებლობა, კერძოდ, თავისუფლების აღკვეთა ერთ წლამდე ვადით.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს