კოალიცია ცვლილებისთვის წევრი, გიგა ლემონჯავა სასურსათო პროდუქციაზე მაღალ ფასებთან დაკავშირებით ირაკლი კობახიძის განცხადებას გამოეხმაურა. ლემონჯავა ამბობს, რომ საქართველოში მაღალი ფასების მიზეზი სულელური საგადასახადო პოლიტიკაა.

"ირაკლი კობახიძე ემუქრება სუპერმარკეტების ქსელებს, სადისტრიბუციო კომპანიებს - ზოგადად, ემუქრება ბიზნესს. რა თქმა უნდა, საქართველოში ფასები მაღალია, ოღონდ ამის მიზეზი არის სულელური საგადასახადო პოლიტიკა, რომელიც ამ ქვეყანაში არსებობს და ასევე, ეკონომიკური რეგრესი. მაგალითად: აქციზის გადასახადი, დამატებული ღირებულების გადასახადი, მოგების გადასახადი, ექსპორტის გადასახადი - საქართველოში ბევრი გიჟური გადასახადი არსებობს, რაც პროდუქტს აძვირებს და ზოგადად, ეს საგადასახადო პოლიტიკა ვერ უზრუნველყოფს იმას, რომ პროდუქტი იაფი იყოს. სინამდვილეში, პრობლემა ამაშია". - თქვა ლემონჯავამ.

შეგახსენებთ, რომ „ქართული ოცნების“ მთავრობის მეთაურმა ირაკლი კობახიძემ დღეს, 24 დეკემბერს გავრცელებულ ვიდეომიმართვაში განაცხადა, რომ საქართველოში სასურსათო ფასების სიძვირეს, ევროპულ ქვეყნებთან შედარებით, მაღალი ფასნამატი და მოგების მაღალი მარჟები განაპირობებს. მისი თქმით, საჭიროა საგამოძიებო უწყებების ჩართვა და საკითხის შესასწავლად საპარლამენტო საგამოძიებო კომისიის შექმნაც.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს