ოკუპირებულ ცხინვალის რეგიონთან რუსეთი დღეს ე.წ. სახელმწიფო საზღვრის შესახებ ხელშეკრულებას გააფორმებს.

ამის შესახებ რუსეთის საგარეო საქმეთა სამინისტროს ოფიციალურ გვერდზე გავრცელებულ სპეციალურ განცხადებაშია აღნიშნული.

უწყების ცნობით, შეხვედრაზე რუსეთის საგარეო საქმეთა მინისტრი სერგეი ლავროვი და სამხრეთ ოსეთის ოკუპირებული რეგიონის ე.წ. ხელისუფლების საგარეო საქმეთა მინისტრი დავით სანაკოევი  სამომავლოდ სტრატეგიული თანამშრომლობისა და ინტეგრაციის შესახებ შეთანხმების გაფორმებაზეც იმსჯელებენ.

„მსგავსი დოკუმენტის არსებობა ნებისმიერ მეზობელ ქვეყანასთან ურთიერთობის ქვაკუთხედს წარმოადგენს.  მითუმეტეს  მაშინ, როდესაც  ქართული მხარისგან ვრცელდება ინფორმაცია, თითქოს და რუსეთი გეგმავს სამხრეთ ოსეთის ანექსიას, მიერთებას ან შთანთქმას. მსგავსი ინფორმაციის გავრცელების მიზანს,  სამხრეთ კავკასიაში რუსეთის პოლიტიკის დისკრედიტაცია წარმოადგენს. თუმცა რუსეთის ურთიერთობა, როგორც სამხრეთ ოსეთთან ისე აფხაზეთთან ურთიერთ თანამშრომლობაზე, მეგობრობაზე და ურთიერთ პატივისცემაზეა დაფუძნებული“,-ნათქვამია რუსეთის საგარეო უწყების განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვს კვლავ დრონებმა დაარტყეს, დაიბომბა ნოვოროსიისკის პორტიც

ვიტკოფი ირანთან მოლაპარაკებებისთვის კატარში გაფრინდა

შეერთებული შტატები 40 წლის შემდეგ პირველად შექმნის ახალ ბირთვულ ქობინს

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს