ბიძინამ შექმნა „ფულის ამოღების ბიურო“ და აბსოლუტური უფლებამოსილება გადასცა ქუჩის კრიმინალებს, - ამის შესახებ „ნაციონალური მოძრაობის“ პოლიტსაბჭოს თავმჯდომარე, ლევან ხაბეიშვილი სოციალურ ქსელში წერს.

როგორც ხაბეიშვილი აღნიშნავს, ბიძინა ივანიშვილმა „ფულიანებს დააწია ახალი კანონი და ახლა უკვე ყველას ფული მისი ფული გახდა“.

„ბიძინამ შექმნა „ამოღების ბიურო“ და აბსოლუტური უფლებამოსილება გადასცა ქუჩის კრიმინალებს. შერჩევისას აუცილებელი მოთხოვნა იყო „მოქოცო“, „მოქუჩურო“ ტიპი, რომელსაც არ „გაუტყდება“ სუს-თან თანამშრომლობა. შესაბამისად, შეირჩა კონკრეტული ბანდფორმირებები, რომლებიც პასუხისმგებელნი არიან ბიძინასთვის ფულის ამოღებაში. ხალხის ხარჯზე, ბიძინას პირობებში კორუფციით მოპარული თანხების ამოღებაზეა საუბარი, ივანიშვილის სასარგებლოდ. რომეო მიქაუტაძეს მოსთხოვეს 250 მილიონი - უარის შემდეგ საჩვენებლად დააკავეს. თორნიკე რიჟვაძეს მოსთხოვეს 300 მილიონი, რაზეც უარი განაცხადა. რამდენიმე დღეში ის და მისი კლანიც თანამდებობებიდან დახსნეს. ამის შემდეგ, რიჟვაძემ ამ ფულის „გრაფიკით“ გადახდა გადაწყვიტა, შესაბამისად, ჯერჯერობით თავისუფალია. გრიგოლ ლილუაშვილს მოსთხოვეს 100 მილიონი, რადგან ყოველთვიურად ისედაც მიჰქონდა წილი - ნაძარცვიდან. შესაბამისად, დიდი ნაწილი მიტანილი აქვს და ახლა სთხოვენ „ჯარიმას“, რადგან ბიძინას ზურგს უკან მაინც იპარავდა. შესაბამისად, 100 მილიონით „დაჯარიმდა“ ამოღების ბიუროს მიერ. არ მიტანის შემთხვევაში - ემუქრება რომეოს ამბავი. ასევე, ივანიშვილმა „ფულიანებს“ დააწია ახალი კანონი და ახლა უკვე ყველას ფული მისი ფული გახდა. ვერ გაიგეთ რას ვამბობ?! აი, რომ „გაგაკულაკებენ“, თქვენი რომ გგონიათ, კანონის სახელით რომ გაგძარცვავთ ბიძინა, შემდეგ გაგახსენდებით“, - წერს ლევან ხაბეიშვილი სოციალურ ქსელში.

ავტორი: ექსპრესნიუსი,

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება