კიევზე განხორციელებული დარტყმა მსოფლიოსთვის იმის შეხსენებას წარმოადგენს, რომ რუსეთი ცეცხლის შეწყვეტაზე უარს ამბობს, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

უკრაინის პრეზიდენტმა, ვოლოდიმირ ზელენსკიმ კიევის სოლომენსკის რაიონში მდებარე საცხოვრებელ კორპუსზე 17 ივნისს რუსების მიერ განხორციელებული სარაკეტო დარტყმის შედეგად დაღუპულთა ხსოვნას პატივი მიაგო.

„ამ საზარელმა თავდასხმამ, რომელიც შუაღამისას განხორციელდა, 23 მშვიდობიანი მოქალაქის სიცოცხლე შეიწირა. ვუსამძიმრებ მათ ოჯახებსა და ახლობლებს“, - წერს უკრაინის პრეზიდენტი X-ზე.

მისი თქმით, უკრაინა „ყოველდღიურად უნდა გაძლიერდეს“.

„ეს დარტყმა მსოფლიოსთვის შეხსენებაა იმისა, რომ რუსეთი ცეცხლის შეწყვეტაზე უარს ამბობს და მკვლელობას ირჩევს. მადლიერი ვარ ჩვენი ყველა პარტნიორის, რომლებიც ხვდებიან, რომ უკრაინა ყოველდღიურად უნდა გაძლიერდეს. მადლობას ვუხდი ყველას, ვინც მზადაა მოსკოვზე ზეწოლა გააძლიეროს, რათა მათ ამ ომის ნამდვილი ფასი იგრძნონ“, - აღნიშნავს ვოლოდიმირ ზელენსკი.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს