საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრისა“ და ახალგაზრდული ორგანიზაცია „START NOW“ -ს (“დავიწყოთ ახლა”) თანამშრომლობით, ბულინგის შესახებ ფორუმთეატრი გაიმართა.

დანაშაულის პრევენციის ცენტრის იფნორმაციით, სპექტაკლი  სასკოლო სივრცეში მოსწავლეთა მიერ ერთმანეთის ჩაგვრასა და საზოგადოების პასიურობის ფონზე კონფლიქტის გაღვივებას ასახავდა. ფორუმთეატრი ინტერაქტიული მეთოდიკის ერთ-ერთი ფორმაა, რომლის მიზანია პრობლემის წარმოჩენა და ერთობლივი გამოსავლის ძიება. პროექტის სპეციფიკიდან გამომდინარე, მსახიობებმა სპექტაკლი ორჯერ გაითამაშეს. მას შემდეგ, რაც სასცენო მოქმედებები განმეორდა, თითოეულ მაყურებელს მსახიობებთან ერთად სანახაობის მონაწილეობის საშუალება მიეცა. მაყურებლებმა შეცვალეს სცენარიც და თავად, საკუთრი ნებისა და შეხედულებების მიხედვით    წარმართეს წარმოდგენა. ამ მეთოდის   მთავარი უპირატესობა მაყურებელთან ორმხრივი და აქტიური კომუნიკაციაა.

ფორუმთეატრს სსიპ „დანაშაულის პრევენციის ცენტრის“ ახალგაზრდული პროგრამების მონაწილეები დაესწრნენ, რომლებიც აქტიურად ჩაერთვნენ გამართულ დისკუსიასა და ისაუბრეს სკოლაში ბულინგის მხრივ არსებულ გამოწვევებზე. მსგავსი სპექტაკლები იგეგმება თელავსა და გორშიც. იუსტიციის სამინისტროს „დანაშაულის პრევენციის ცენტრის“ ახალგაზრდული პროგრამების მიზანია არასრულწლოვნებში სამოქალაქო და სამართლებრივი ცნობიერების ამაღლება, მოხალისეობრივი კულტურის განვითარება და ჯანსაღი ცხოვრების წესის პოპულარიზაცია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს