ცინიზმით უნდა შეფასდეს 31 მარტს სალომე ზურაბიშვილის გამოსვლა, რომელსაც არანაირი მსგავსება არ აქვს პატრიოტული, დამოუკიდებელი ქვეყნისათვის მებრძოლი ადამიანის იმიჯთან, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

ვოლსკი გამოეხმაურა დღეს საღამოსთვის რუსთაველის გამზირზე დაგეგმილ აქციას, რომლის მონაწილეებსაც, გავრცელებული ინფორმაციით, სიტყვით მიმართავს საქართველოს ყოფილი პრეზიდენტი სალომე ზურაბიშვილი.

„პოლიტიკურად მრავალასპექტიანია პერიოდი, როდესაც ზვიად გამსახურდია იყო საქართველოს პრეზიდენტი, მაგრამ არცერთ ასპექტში ის არ ემთხვევა არც სალომე ზურაბიშვილის, როგორც პოლიტიკური ფიგურის, და არც მიხეილ სააკაშვილის ხედვებს.  საქართველოს იმჟამინდელი ხელისუფლების მიერ ორგანიზებული 31 მარტი აბსოლუტურად განსხვავებულია დღევანდელი პოლიტიკურ ლიდერებად წოდებული ადამიანების ხედვების, პრინციპებისაგან. აბსოლუტურად განსხვავებულია ყველა მიმართულებით, საერთაშორისო პოლიტიკური ხედვებითა და დამოკიდებულებით. პატრიოტული შინაარსი დაკარგულია ამ პერიპეტიებში, რომლებსაც დღევანდელი პოლიტიკური ცხოვრება ჰქვია. რასაკვირველია, ერთი მხრივ, სიღრმისეული ანალიზია გასაკეთებელი, მეორე მხრივ, ცინიზმით უნდა შეფასდეს 31 მარტს სააკაშვილის პორტრეტით გამოსვლის მცდელობა. მით უმეტეს, სალომე ზურაბიშვილის, რომელსაც არანაირი მსგავსება არ აქვს პატრიოტული, დამოუკიდებელი ქვეყნისათვის მებრძოლი ადამიანის იმიჯთან“, – განაცხადა გია ვოლსკიმ.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს