საქართველოს მეხუთე პრეზიდენტი სალომე ზურაბიშვილი, ლიეტუვისა და ლიტვის შემდეგ, ესტონეთს ეწვია, სადაც ესტონეთის სახელმწიფოს უმაღლესი თანამდებობის პირებთან მაღალი დონის პოლიტიკური შეხვედრები გაიმართება.

ინფორმაციას სალომე ზურაბიშვილის პრესსამსახური ავრცელებს.

მათივე ცნობით, ტალინში დღეს სალომე ზურაბიშვილი ესტონეთ-საქართველოს საპარლამენტო ჯგუფის წევრებს შეხვდება, ხვალ კი დაგეგმილია შეხვედრები ესტონელ კოლეგასთან, ალარ კარისთან, პარლამენტის თავმჯდომარესთან, ლაური ჰუსართან, პარლამენტის საგარეო ურთიერთობათა კომიტეტის თავმჯდომარესთან, მარკო მიჰკელსონთან და კომიტეტის წევრებთან.

სალომე ზურაბიშვილის პრესსამსახურის განმარტებით, ესტონეთში ვიზიტისას საქართველოს მეხუთე პრეზიდენტი შეხვედრებს გამართავს საგარეო საქმეთა მინისტრთან და ანალიტიკოსებთან თავდაცვისა და უსაფრთხოების საერთაშორისო ცენტრში (ICDS), სადაც მას ICDS-ის დირექტორი კრისტი რაიკი უმასპინძლებს. ტალინში დაგეგმილია სალომე ზურაბიშვილის ინტერვიუები საერთაშორისო მედიასთან.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.