კრემლის სპიკერის, დმიტრი პესკოვის თქმით, რუსეთი გმობს მოლდოვის ხელისუფლების ქმედებებს, გაუგაზიის ლიდერთან, ევგენია გუცულთან დაკავშირებით. მისი თქმით, კიშინიოვმა უარი უნდა თქვას მსგავს მეთოდებზე.

"ჩვენ, რასაკვირველია, ვგმობთ ასეთ ქმედებებს და მივიჩნევთ, რომ კიშინიოვმა უნდა უარი თქვას მსგავს მეთოდებზე და უზრუნველყოს მოქმედების თავისუფლება ქვეყნის ყველა პოლიტიკური ძალისთვის". - თქვა პესკოვმა.

კრემლის სპიკერის შეფასებით, მოლდოვის ხელისუფლება ღია ზეწოლის მეთოდებს იყენებს მაია სანდუს კონკურენტი, პოპულარული პოლიტიკოსების წინააღმდეგ.

"როგორც ჩანს, კიშინიოვმა აირჩია ტაქტიკა – უარი თქვას კანონზე, დემოკრატიის პრინციპებსა და პოლიტიკურ პლურალიზმზე და უბრალოდ განახორციელოს ღია ზეწოლა ყველა პოლიტიკურ კონკურენტზე". - თქვა პესკოვმა.

ამასთან, პესკოვის თქმით, გუცულის დაკავება "სცდება ყველა დემოკრატიული ნორმისა და პრინციპის ფარგლებს და იმეორებს რუმინეთის ქცევას, სადაც დემოკრატია ფეხქვეშ გათელეს".

კიშინიოვში მოლდოვის ავტონომიური ოლქის, გაგაუზიის პრორუსი ლიდერი, ევგენია გუცული 25 მარტს აეროპორტში დააკავეს, როდესაც ის ქვეყნის დატოვებას ცდილობდა. მის წინააღმდეგ სისხლის სამართლის ორი საქმეა აღძრული.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს