ჰოლანდიის პარლამენტიდან კარგი ამბავი გვაქვს, მთავარი ოპოზიციური პარტიის, სოციალ-დემოკრატების წარმომადგენელმა, ფრაქციის თავმჯდომარის მოადგილემ, ოფიციალური წესით მიმართა საგარეო საქმეთა მინისტრს ტელეკომპანია „იმედის“ საკითხთან დაკავშირებით - ამის შესახებ კოალიცია „ხალხისთვის-ძლიერი საქართველოს“ ერთ-ერთი ლიდერმა, ანა დოლიძემ განაცხადა.

მისი თქმით, ოპოზიციამ დემოკრატიული სამყაროს კანონები და სამართალი უნდა გამოიყენოს იმისთვის, რომ ადამიანები, რომლებიც ადამიანის უფლებების დარღვევაში არიან მხილებულები და „ქართული ოცნების“ საპატიო თავმჯდომარის, ბიძინა ივანიშვილის „რეჟიმს“ მხარს უჭერენ, გასამართლდეს.

„საგარეო მიმართულებით ვმუშაობ კამპანია „რვაფეხაზე“, რომლის ამოცანაა, რომ იმ რეპრესიებთან, რომელიც მიმდინარეობდა და დღესაც მიმდინარეობს საქართველოში, მსოფლიოს ცივილიზებულ ნაწილში, სასამართლო პასუხისმგებლობის საკითხი დავაყენოთ.

ჰოლანდიის პარლამენტში, მთავარი ოპოზიციური პარტიის, სოციალ-დემოკრატების წარმომადგენელმა, ფრაქციის თავმჯდომარის მოადგილემ ოფიციალური წესით მიმართა საგარეო საქმეთა მინისტრს ტელეკომპანია იმედის საკითხთან დაკავშირებით. მან განაცხადა, რომ საქართველოში პროტესტი დიდი ხნის განმავლობაში მიმდინარეობს, ასევე ისაუბრა რეპრესიებსა და სასამართლოზეც, სადაც დაკავებულებს თავის დაცვა არ შეუძლიათ. ხელისუფლების ამ პროცესს კი მხარს ტელეკომპანია „იმედი“ უმაგრებს, რომლის დედა კომპანიაც ნიდერლანდებშია რეგისტრირებული. „იმედი“ კი ისეთ სქემაშია გახვეული, სად იხდის გადასახადებს კაცმა არ იცის. ეს სპეციალურად კეთდება, რომ „იმედი“ საგადასახადო სამოთხეში იყოს, რომელიც ბრიტანეთის ოფშორულ ზონებშია. ამასთან დაკავშირებით დეპუტატმა, კატი პირიმ წერილი მისწერა საგარეო საქმეთა მინისტრს და ორი რამ მოითხოვა: რომ საგადასახადო უწყებამ შეამოწმოს დედობილი კომპანიების საქმიანობა, რომელსაც „საფოსტო კომპანიას“ ეძახის, რომელიც რეგისტრირებულია ნიდერლანდებში და მეორე საკითხი, რომელიც ზოგადი და პოლიტიკურია, რომ არ უნდა აიკრძალოს მისი საქმიანობა.

ნიდერლანდებში ისეთი კომპანიების რეგისტრაცია, რომლის შვილობილი კომპანიები ადამიანის უფლებების დარღვევას სჩადიან, ეს ნიდერლანდებისთვის პოლიტიკური საკითხია. ნიდერლანდებში ადვილია კომპანიების რეგისტრაცია და საგადასახადო გარემოც ხელსაყრელია. ამ კითხვებზე, რომელიც ნიდერლანდების საგარეო საქმეთა მინისტრის მისამართით დაისვა, პასუხი უნდა გასცეს, ასევე, როცა ის მოხსენებით გამოვა პარლამენტში, ის ვალდებულია ამ კითხვებზე პასუხი გასცეს.

ჩვენ დემოკრატიული სამყაროს დემოკრატია, კანონები და სამართალი უნდა გამოვიყენოთ, რომ ადამიანებს, რომლებიც ადამიანის უფლებებს არღვევენ და მხარს ივანიშვილის რეჟიმს უჭერენ პასუხი ვაგებინოთ“,- განაცხადა ანა დოლიძემ.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა თათარსტანსა და სარატოვის ოლქში ნავთობგადამამუშავებელ ქარხნებს, ყუბანში მდებარე საკომპრესორო სადგურს და ვორონეჟის ოლქში მდებარე სამხედრო აეროდრომს შეუტიეს.

აშშ-მ ტანკერებზე თავდასხმის შემდეგ ირანული ნავთობით ვაჭრობის ლიცენზია გააუქმა.

Axios: ტრამპმა ირანზე დარტყმების ბრძანება თურქეთში ყოფნისას გასცა

ირანმა დარტყმები განახორციელა რეგიონში მდებარე 85 ამერიკული ობიექტის წინააღმდეგ