ოპოზიცია რამდენიმე წელია იმ რეჟიმშია, როდესაც უკან გამოსვლა უჭირთ, მიუხედავად იმისა, რომ მსოფლიოში პროცესები იმ მიმართულებით ვითარდება, რომელიც მათ არ აწყობთ, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.

მისი თქმით, სურათი ნათელი ჯერ არ არის, მაგრამ ომის და დესტაბილიზაციის დამფინანსებლები კიდევ არიან.

„ომის პარტია ამ დესტრუქციას და დესტაბილიზაციას კიდევ უჭერს მხარს. მათი ეს გადაწყვეტილება აქედან გამომდინარეობს, რომ საბოტაჟი მოაწყონ. რასაკვირველია, გარკვეული რაოდენობის ამომრჩეველი ჰყავთ, რომელიც მოუწოდებენ, რომ პარლამენტში შევიდნენ. ამიტომ მისცეს ხმა და ამიტომ გამოიყო მათთვის ბიუჯეტიდან თანხები. მათი მთავარი ამოცანა საქართველოს დაზიანებაა. დარწმუნებული ვარ, ისეთი პოლიტიკური ძალებიც გამოჩნდებიან, რომ ამ პროცესში ჩაერთვებიან. შეიძლება, არ მოგვწონდეს, რომ ოპოზიციის სრული სპექტრი პარლამენტში არ არის წარმოდგენილი, მაგრამ ყოველთვის უნდა გვახსოვდეს, რა არის ამის ალტერნატივა. ამის ალტერნატივას რომ გაჰყვე და სასწორის მეორე პინაზე დადო რიგგარეშე არჩევნები, ეს იმას ნიშნავს, რომ ქვეყანას ღალატობ, რადგან ნგრევა და ეკონომიკური უკუსვლა, რომელიც ამას მოჰყვება, შეუქცევადი იქნება, ვინაიდან მთავარი ამოცანაა, დესტრუქცია მოახდინონ და ქვეყანაში სიტუაცია არიონ“, – განაცხადა გია ვოლსკიმ.

მისი თქმით, რიგგარეშე არჩევნებსაც უბრალო პირობებით არ ითხოვენ.

„მათი პირობაა, რომ საარჩევნო კომისია, ადმინისტრაცია, სასამართლო გაჩერდეს და ყველაფერში უცხოური ძალა ჩაერთოს. მათი მხარდამჭერი სტრუქტურა, დაწყებული ევროპარლამენტიდან კონკრეტულ სტრუქტურებზე დამთავრებული, ომის პარტიას წარმოადგენენ. ეს მათი გეგმაა, რომელსაც ვერ აყვები მიუხედავად იმისა, არის თუ არა პარლამენტში ოპოზიცია წარმოდგენილი. განცდა იმის, რომ დამარცხდებიან, რასაკვირველია, უცხო არ არის, რადგან 2012 წლიდან არცერთი არჩევნები არ მოუგიათ. რეალურად, დამარცხებას ყველა ის პოლიტიკური სუბიექტი უნდა ელოდოს, რომელიც ხალხს დაპირისპირებისაკენ და საქართველოს უკრაინიზაციისაკენ მოუწოდებს. რასაკვირველია, დამარცხება არ ასცდებათ. არანაირი გეგმა და ხედვა არ გააჩნიათ. ამოჩემებული აქვთ დაზეპირებული საკითხები, თითქოს აქ არჩევნები გაყალბდა ან საგარეო კურსი შეიცვალა, მეტი არანაირი პროგრამული წინადადებები არ გააჩნიათ. რასაკვირველია, თვითმმართველობის არჩევნებს მწარედ წააგებენ, მით უმეტეს, იმ ვითარებაში, რაც მსოფლიოში ხდება. საქართველოში დესტაბილიზაცია და დაძაბულობა არავის, მათ მხარდამჭერებსაც კი არ აწყობთ“, – განაცხადა გია ვოლსკიმ.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”