2025-02-06 19:55:06, 1005 ნახვა
ომი უკრაინაში
უკრაინამ ნიდერლანდებისგან F-16 ტიპის თვითმფრინავები მიიღო
უკრაინის თავდაცვის სამინისტროს ინფორმაციით, უკრაინამ ნიდერლანდებისგან F-16 ტიპის საბრძოლო თვითმფრინავები მიიღო.
„უკრაინამ მიიღო F-16 თვითმფრინავები ნიდერლანდების სამეფოსგან. მადლობა, ნიდერლანდებო! თქვენი მხარდაჭერა კიდევ ერთი მნიშვნელოვანი ნაბიჯია გამარჯვებისკენ და უკრაინული ქალაქებისა და მოქალაქეების საიმედო დაცვის უზრუნველსაყოფად,“ – აღნიშნულია სამინისტროს განცხადებაში.
ამ ეტაპზე მიღებული თვითმფრინავების ზუსტი რაოდენობა არ სახელდება.
აღსანიშნავია, რომ დღეს, 6 თებერვალს, უკრაინამ ასევე მიიღო Mirage 2000 ტიპის საბრძოლო თვითმფრინავების პირველი პარტია საფრანგეთისგან.
ავტორი: ექსპრესნიუსი,
epn.ge (@expressnews.ge)
