„ერთიანი ნაციონალური მოძრაობის“ ლიდერმა, თამარ კორძაიამ, მთავრობის კანცელარიასთან ოპოზიციონერი ქალი პოლიტიკოსების ერთობლივ ბრიფინგზე განაცხადა, რომ მზია ამაღლობელი სინდისის პატიმარია. მისი თქმით, ეს არის ხელისუფლების მცდელობა, მედიის წარმომადგენლები დააშინონ და საზოგადოებამ ვერ მიიღოს ზუსტი და სანდო ინფორმაცია.

„ჩვენ ყოველდღიურად ვხედავთ, როგორ იზრდება სინდისის პატიმრების რიცხვი, და დღეს განსაკუთრებით გვინდა გამოვყოთ მზია ამაღლობელი, რომელიც ამ რეჟიმის ნომერ პირველი ქალი მედია მენეჯერი და სინდისის პატიმარია. ის ციხეში მხოლოდ იმისთვისაა, რომ მედია დააშინონ და მედიამ არ გაბედოს ივანიშვილისა და მისი ხელისუფლების დანაშაულებზე საუბარი,“ - განაცხადა კორძაიამ.

ამავდროულად, პოლიტიკოსებმა მზია ამაღლობელის გათავისუფლება მოითხოვეს. კორძაიამ აღნიშნა, რომ მზია უკვე მეთორმეტე დღეა შიმშილობს, რაც მისი ჯანმრთელობისთვის საგანგაშო მდგომარეობაა.

„კატეგორიულად მოვითხოვთ, რომ გენერალურმა პროკურატურამ, სასამართლოსთან შუამდგომლობით, შეცვალოს მისი პატიმრობა. წინააღმდეგ შემთხვევაში, თუ პროცესები არ შეიცვლება, სრული პასუხისმგებლობა დაეკისრება ივანიშვილს, გენერალურ პროკურორს და ყველა იმ პირს, ვინც ამ პროცესში მონაწილეობს,“ - დასძინა თამარ კორძაიამ.

პოლიტიკოსებმა კიდევ ერთხელ ხაზგასმით აღნიშნა, რომ მზია ამაღლობელი არის მაგალითი იმისა, თუ როგორ ცდილობს ხელისუფლება მედიასშეუშალოს ხელი მუშაობაში და საზოგადოებას დააკარგინოს წვდომა ნამდვილი და სანდო ინფორმაციის მიღებაზე.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს