რუსეთის სახელმწიფო დუმის სპიკერმა, ვიაჩესლავ ვოლოდინმა, 9 იანვარს განაცხადა, რომ ვიდეოთამაშებზე სრული აკრძალვა არ იგეგმება, თუმცა ქვეყანაში სურთ შეზღუდონ „დესტრუქციული კონტენტის“ გავრცელება, რომელიც მოიცავს დანაშაულების, ნარკოტიკების და ლგბტ-ის პროპაგანდას.

ვოლოდინის თქმით, ხელისუფლება გეგმავს სპეციალური კანონპროექტის შემუშავებას, რომლის მიზანიც ბავშვებისა და მოზარდების დაცვა იქნება, რათა მათ არ ჰქონდეთ წვდომა იმ კონტენტზე, რომელიც რუსეთის კანონმდებლობას ეწინააღმდეგება. 

მისი განმარტებით, ასეთი ნაბიჯები განპირობებულია ბოლო წლებში დაფიქსირებული შემთხვევებით, როდესაც ბავშვები და მოზარდები, მონაწილეობდნენ ძალადობრივ აქტებში, რომლებიც, როგორც ვოლოდინი ამტკიცებს, ვიდეოთამაშების გავლენით იყო გამოწვეული.

„ბავშვები და მოზარდები, ჩადენილ მოქმედებებს ხშირად ვირტუალურ სამყაროში აგრძელებენ, რადგან ზღვარი რეალობასა და ვირტუალობას შორის ფუჭდება“, — განაცხადა ვოლოდინმა.

პოლიტიკოსის თქმით, კანონპროექტის შემუშავებაში ასევე ჩაერთვებიან მშობელთა და პედაგოგთა ორგანიზაციები, ფსიქოლოგები და ინდუსტრიის წარმომადგენლები.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.