პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით დაკავებული პირების ოჯახის წევრები და ადვოკატები სხდომათა დარბაზის შეცვლას ითხოვენ.

როგორც ადვოკატები აღნიშნავენ, ისეთი დარბაზია შერჩეული, სადაც არა მხოლოდ ბრალდებულების ოჯახის წევრები ვერ ეტევიან, არამედ ადვოკატებიც.

უფლებადამცველებს სხდომათა დარბაზში დამატებითი მაგიდები დაუდგეს.

"ეს არის სამართლიანი სასამართლოს უფლების დარღვევა. არსებობს დარბაზი, რომელიც იძლევა იმის საშუალებას, რომ საზოგადოება დაესწროს, თუმცა, იქ არ ატარებენ პროცესს.

ტექნიკური საკითხების გამო ვერ ხერხდება პროცესის დაწყებაო, ამბობენ",- განაცხადა ადვოკატმა თორნიკე მიგინეიშვილმა.

არსებულ ვითარებას "მაგიდების დარბაზი" უწოდა კიდევ ერთ-ერთი დაკავებულის ადვოკატმა ლაშა ცუცქირიძემ.

"მაგიდების დარბაზი. რაც ამ წუთებში სასამართლოში ხდება, პირველ რიგში სასამართლოს შეურაცხყოფაა, შემდეგ მხარეების და ამავდროულად ყველა იურისტის. 11 - პირიანი საქმე იწყება რამდენიმე წუთში, თუმცა სასამართლო ყველაფერს ცდილობს, რომ 150- კაციან დარბაზში არ გამართოს პროცესი. ორი დამატებითი მაგიდა შემოიტანეს ადვოკატებისთვის, თითქოს, კომფორტულად შეძლებენ უფლებამოსილების განხორციელებას. პროცესის საჯაროობაზე და ხალხზე ვინღა ფიქრობს",- აცხადებს ცუცქირიძე.

ავტორი: ექსპრესნიუსი,

სოციალური ქსელები

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ

ისრაელის თავდაცვის მინისტრმა ირანის წინააღმდეგ დამოუკიდებლად ომისთვის მზადყოფნა გამოაცხადა