„ჩვენ მუდმივი კომუნიკაცია გვაქვს GWP-სთან და იმედი მაქვს, გამოიძებნება თანხები და მოხდება ცენტრალური მილების აღდგენა“, - ამის შესახებ საბურთალოს რაიონის გამგებელმა ბექა მიქაუტაძემ დიღომში, ცენტრალურ მილზე მომხდარი დაზიანების  კომენტირებისას განაცხადა. მისივე თქმით, ეს უკვე მეორე ფაქტია საბურთალოს რაიონში, როდესაც ცენტრალური მილის დაზიანება დიდ ზარალს იწვევს.

ბექა მიქაუტაძის განმარტებით, მიმდებარე ტერიტორიაზე მოწყობილია სანიაღვრე არხი, თუმცა მიმდინარე მშენებლობის გამო ასფალტის საფარის დაგება ვერ ხერხდება, რაც სანიაღვრე არხის მუშაობის შეფერხებას იწვევს.

„წყლის ნაკადი იმდენად ძლიერი იყო, მას სანიაღვრე არხები ისედაც ვერ გაატარებდა. უნდა ვთქვათ ისიც, რომ აქ მიმდინარე სამშენებლო სამუშაოების გამო ასფალტის დაგებასაც აზრიც ეკარგება. სანიაღვრე არხის სრულყოფილად ფუნქციონირებას ასფალტ-ბეტონის საფარის არარსებობაც უშლის ხელს. ამჟამად სარდაფებიდან ამოტუმბული წყალი სანიაღვრე არხებში ჩაედინება“, - განაცხადა ბექა მიქაუტაძემ.

რაც შეეხება ავტომანქანების დაზიანებას, ბექა მიქაუტაძის თქმით, მას საუბარი ჰქონდა GWP-ს ხელმძღვანელობას და კომპანია მზად არის, ზარალისადაზღვევო კომპანიის მეშვეობით აანაზღაუროს.

„ჩვენ ამხანაგობის თავმჯდომარეებსაც გავესაუბრებით და ჩვენი შესაძლებლობის ფარგლებში დავეხმარებით მოსახლეობას“, - განაცხადა ბექა მიქაუტაძემ. 

მისივე თქმით, გასკდა 1400 მილიმეტრიანი ცენტრალური მილი. ძლიერი წნევით ამოიღვარა დიდი რაოდენობის წყალი, რამაც დააზიანა მანქანები და დატბორა მიმდებარე ტერიტორია. სამაშველო სამსახურები და GWP-ს თანამშრომლები ადგილზე მუშაობენ და მილი უახლოეს პერიოდში აღდგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა