ნანუკა ჟორჟოლიანმა „მთავარი არხი“ დატოვა

2024-12-25 16:19:05, 466 ნახვა

საზოგადოება

ჟურნალისტმა და ტელეწამყვანმა ნანუკა ჟორჟოლიანმა „მთავარი არხი“ დატოვა. ამის შესახებ ტელეწამყვანმა სოციალურ ქსელ „ფეისბუქზე“ დაწერა.

როგორც ჟორჟლიანი წერს, მისი ეს გადაწყვეტილება მფლობელებს შორის ტელეკომპანიაში არსებულ დავას არ უკავშირდება და მისი თქმით, ის ახლა მოლაპარაკებას „TV პირველთან და ტელეკომპანია „ფორმულასთან“ აწარმოებს.

„მეგობრებო, ვადასტურებ რომ დავტოვე ტელეკომპანია მთავარი.

არ ავხსნი როგორ მიყვარს ეს ტელეკომპანია. ჩემი დრო, ენერგია და სიყვარული მაქვს ჩადებული მასში. როგორ მიყვარს იქ მომუშავე გმირები.

ეს ამბავი არ უკავშირდება ტელეკომპანიაში არსებულ დავას მფლობელებს შორის. როგორც იცით, ოქუაშვილმა მე დამასახელა დირექტორობის კანდიდატად, მაგრამ ჩემთვის უცნაური იყო ის, რომ ეს ამბავი ფეისბუქით გავიგე.

ანუ, ამ თემას ჩემი წასმოვლა არ დაუკავშიროთ. საბედნიეროდ ეს ამბავი მე არ მეხება. მე ორი წელია არ ვარ არხის თანამშრომელი. გარედან ვაწოდებდი პროდუქტს არხს.

მქონდა სხვა მიზეზები და ახლა არაა მასზე საუბრის დრო. ახლა მთავარია რა ხდება რუსთაველზე მთელი ყურადღება, ენერგია ამ თემაზე უნდა დაიხარჯოს.

ახალ სეზონზე გავალთ ან ტვ პირველზე, ან ფორმულაზე. ორივესთან ვაწარმოებ მოლაპარაკებას“,- წერს ჟორჟოლიანი.