ქურდოვანიძე - დოკუმენტაციაში არ აღინიშნებოდა ის ნივთები, რომლებიც დაკავებულებს უკანონოდ ჩამოართვეს

2024-12-23 11:55:09, 484 ნახვა

საზოგადოება

საპროტესტო დემონსტრაციებისას დაკავებულ პირებთან მიმართებით მთელ რიგ დარღვევებთან ერთად, მათ მფლობელობაში/საკუთრებაში არსებული ნივთების ჩამორთმევის/მისაკუთრების უკანონო პრაქტიკა გამოიკვეთა,- ამის შესახებ „საქართველოს ახალგაზრდა იურისტთა ასოციაციის“ (საია) აღმასრულებელმა დირექტორმა, ნონა ქურდოვანიძემ ბრიფინგზე განაცხადა.

როგორც ქურდოვანიძემ აღნიშნა, სამართალდამცავები დაკავებულ პირებს ტელეფონის პაროლს სთხოვდნენ, უარის შემთხვევაში მათზე ძალადობდნენ.

მისივე განმარტებით, განყოფილებებსა თუ დროებითი მოთავსების იზოლატორში დაკავებულულების გადაყვანისას, შესაბამის დოკუმენტაციაში არ აღინიშნებოდა ის ნივთები, რომლებიც დაკავებულებს უკანონოდ და თვითნებურად ჩამოართვეს თუ გადაუყარეს.

„საპროტესტო დემონსტრაციებისას დაკავებულ პირებთან მიმართებით მთელ რიგ დარღვევებთან ერთად, მათ მფლობელობაში/საკუთრებაში არსებული ნივთების ჩამორთმევის/მისაკუთრების უკანონო პრაქტიკა გამოიკვეთა. ჩვენ თითქმის ერთი თვის განმავლობაში 400-ზე მეტ პირს სამართლებრივ დამხარებას ვუწევთ, რომლებიც სხვადასხვა დროს დააკავეს. დაკავებული ადამიანების შემთხვევაში ნივთების ჩამორთმევისა და მისაკუთრების უკანონო შემთხვევები გამოიკვეთა.

არასამთავრობო ორგანიზაციების სამართლებირივი დამხარების ქსელის ადვოკატების დაცვისქვეშმყოფი არაერთი დაკავებულის ინფორმაციით, დაკავების შემდგომ მათ ჩამოართვეს პირადი ნივთები, მათ შორის, ტელეფონები, ყურსასმენები, ლეპტოპი, ჩანთა, მანქანისა და სახლის გასაღებები და პირადობის მოწმობები.

ზოგიერთი დაკავებულის განმარტებით, სამართალდამცავები მათ ტელეფონის პაროლს სთხოვდნენ, უარის შემთხვევაში კი, მათზე ძალადობდნენ. იყო შემთხვევები, მობილური ტელეფონი დაკავებულს ჩამოართვეს განყოფილებაში და გათავისფულების შემთხვევაში ტელეფონი და ნივთები არ დაუბრუნეს. ნივთების ჩამორთმევაში მონაწილეობდნენ სპეცრაზმელები და განყოფილებებსა თუ დროებითი მოთავსების იზოლატორში დაკავებულულების გადაყვანისას შესაბამის დოკუმენტაციაში არ აღინიშნებოდა ის ნივთები, რომლებიც მათ უკანონოდ და თვითნებურად ჩამოართვეს თუ გადაუყარეს.

აღსანიშნავია, რომ უმეტესი დაკავებულისთვის ნივთები არ ჩამოურთმევიათ კანონით დადგენილი წესით და იგი ცალკეულმა სამართალდამცავებმა კანონსაწინააღმდეგო გზით მიისაკუთრეს ან დაკავებულებს დასჯის მიზნით გადაუყარეს, რათა მათ აღარ ჰქონოდათ ჩამორთმეული ნივთების დაბრუნების შესაძლებლობა.

ზოგიერთიი დაზარალებულის განცხადებით, მათ პირადი ნივთები და ტელეფონები სიცოცხლისა და ჯანმრთელობის საშიში მუქარით ჩამოართვეს. ზოგიერთ შემთხვევაში კი, დაზარალებულებმა შეძლეს მათი ტელეფონების ლოკაციების დადგენა. იყო შემთხვევები, ლოკაციები დადგინდა ადინისტრაციულ შენობებთან - პარლამენტთან. ამის შესახებ დაზარალებულებმა სპეციალურ საგამოძიებო სამსახურს აცნობეს და მოითხოვეს გამოძიება, თუმცა ამ დრომდე არცერთი ფაქტი არ არის გამოძიებული და ნივთები ამ დრომდე დაზარალებულებს არ უბრუნდებათ.

უნდა აღინიშნოს, რომ არსებობს დაკავებისას ნივთების ჩამორთვების კანონიერი ფორმები, თუმცა ახლა რაზეც ვსაუბრობთ, ეს ფორმები გასცდა კანონიერ ჩარჩოებს და იყო თვითნებური. მნიშვნელოვანია, ობიექტური გამოძიება ამ მიმართულებითაც ჩატარდეს და პირებს საკუთარი ნივთები დაუბრუნდეთ“,- განაცხადა ქურდოვანიძემ.