თბილისის მერის, კახა კალაძის განცხადებით, ამერიკის შეერთებული შტატების არსებული ადმინისტრაცია, რომელსაც იანვარში უფლებამოსილების ვადა ეწურება, მაქსიმალურად ცდილობს, არჩეულ პრეზიდენტს დონალდ ტრამპს მძიმე მემკვიდრეობა დაუტოვოს. 

ამის შესახებ კალაძემ ჟურნალისტებს აშშ-ის მიერ ქართველი მაღალჩინოსნების დასანქცირებასთან დაკავშირებით დასმული კითხვის პასუხად განუცხადა. 

"ჩვენ არაერთი განცხადება გავაკეთეთ, რომ აშშ-ის არსებული ადმინისტრაცია კიდევ უფრო მძიმე ნაბიჯებს გადადგამდა. როგორც იცით, რამდენიმე დღეში მათ უფლებამოსილების ვადა ეწურებათ და მაქსიმალურად ცდილობენ,  არა მხოლოდ საქართველოსთან მიმართებაში, არამედ ზოგადადაც, ტრამპს დაუტოვონ მძიმე მემკვიდრეობა. აქაც მინდა, ერთი რამ ვთქვა: ძალიან ბევრი ადამიანი საუბრობს, რომ ახალ ადმინისტრაციას შეიძლება რადიკალურად განსხვავებული მიდგომები ჰქონდეს. ჩვენც გვაქვს ამის მოლოდინი, რომ იქნება სწორი და მართალი დამოკიდებულება, თუნდაც საქართველოსთან მიმართებით, მაგრამ ჩვენს გასაკეთებელს, ჩვენი ქვეყნის გასაკეთებელს, მერწმუნეთ, ვერავინ გააკეთებს.

ტრამპი არის ამერიკის ხალხის მიერ არჩეული პრეზიდენტი და ის, რა თქმა უნდა, გატარებს თავისი ქვეყნის ინტერესებს. იგივე უნდა გავაკეთოთ ჩვენ: ჩვენ აგვირჩია ხალხმა და პირველ რიგში, უნდა დავიცვათ ჩვენი ქვეყნის და ხალხის ინტერესები. აქ არავინ მოვა იმისთვის, რომ ქართველების ინტერესი გაატაროს. ყველას - დასავლეთს, ამერიკას, რუსეთს, ჩვენს სამეზობლოს აქვს თავისი პირადი ინტერესი საქართველოსთან დაკავშირებით. ჩვენ, ქართველი ხალხი და საქართველოს ხელისუფლება, რომელიც მოსახლეობის უმრავლესობამ აირჩია, უნდა დავდგეთ მაგრად და დავიცვათ ჩვენი ქვეყნის ინტერესები და მომავალი“, - განაცხადა კახა კალაძემ. 

რაც შეეხება ზოგიერთი დასავლელი ლიდერის კრიტიკულ განცხადებებს საქართველოს ხელისუფლებასთან მიმართებაში, მერი მიიჩნევს, რომ ამ ყველაფერს თავისი ლოგიკური ახსნა აქვს. 

"რაც შეეხება დასავლეთიდან ზოგიერთი ლიდერის განცხადებებს, ამას აქვს თავის ახსნა: ისინი დამარცხდნენ საქართველოში, ეს არის რეალობა, მოცემულობა. ისინი ამ რადიკალებთან ერთად არიან დამარცხებულები. მათ ჩვენი ქვეყნის მოსახლეობამ უთხრა „არა“, უთხრა „არა“ მუდმივ ბულინგს, მუდმივ ბოროტებას, შეურაცხყოფას და იმას, რომ ჩვენი ქვეყანა გამოყენებული იყოს რომელიღაც სხვა ქვეყნის ინტერესების გასატარებლად, გინდა მეორე ფრონტით, გინდ სანქციებთან მიერთებით და ასე შემდეგ“,- განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს