2024-12-17 23:11:12, 542 ნახვა
პოლიტიკა
ჩეხეთი საქართველოს სამოქალაქო საზოგადოებისა და დამოუკიდებელი მედიისთვის 230 000 ევროს გამოყოფს
ჩეხეთი საქართველოს სამოქალაქო საზოგადოებისა და დამოუკიდებელი მედიისთვის 230 000 ევროს ოდენობის დაფინანსებას გამოყოფს. ამის შესახებ ჩეხეთის საგარეო სამინისტრო განცხადებას
ავრცელებს.
როგორც X-ზე გამოქვეყნებულ განცხადებაშია ნათქვამი, ჩეხეთი ქართველი ხალხის დემოკრატიულ მისწრაფებებს სოლიდარობას უცხადებს.
„ჩეხეთი გმობს საქართველოში ბოლოდროინდელ ძალადობას მშვიდობიანი დემონსტრანტების წინააღმდეგ და სოლიდარობას უცხადებს ქართველი ხალხის დემოკრატიულ მისწრაფებებს.
დღეს, ჩვენ ვამყარებთ ჩვენს ვალდებულებას 230 000 ევროს ოდენობით, გადაუდებელი დახმარების სახით, საქართველოს სამოქალაქო საზოგადოებისა და დამოუკიდებელი მედიისთვის“,- ნათქვამია განცხადებაში.
ავტორი: ექსპრესნიუსი,
epn.ge (@expressnews.ge)
