ევროკავშირის წევრები გამონახავენ გზებს, რომ ქვეყანაში შესვლაზე შეზღუდვები ეროვნულ დონეზე დააწესონ,- ამის შესახებ ნათქვამია განცხადებაში, რომელსაც ლატვიის საგარეო საქმეთა სამინისტრო ევროკავშირის საგარეო საქმეთა მინისტრების სხდომაზე საქართველოზე მიღწეულ შეთანხმებასთან დაკავშირებით ავრცელებს.

ლატვიის საგარეოს საქმეთა სამინისტროს ცნობით, 16 დეკემბერს ევროკავშირის საგარეო საქმეთა საბჭო შეთანხმდა, გააგრძელოს სავიზო რეჟიმი ქართული დიპლომატიური და სამსახურებრივი პასპორტის მფლობელებისთვის.

„ევროკავშირის წევრი სახელმწიფოების უმრავლესობას ჰქონდა საერთო გაგება იმ საჭიროებაზე, რომ დაწესდეს მოგზაურობის აკრძალვა ასევე პირებზე, რომლებიც პასუხისმგებელნი არიან მშვიდობიანი დემონსტრანტების წინააღმდეგ ძალადობაზე. ევროკავშირის წევრი ქვეყნები გამონახავენ გზებს, რომ ქვეყანაში შესვლაზე შეზღუდვები ეროვნულ დონეზე დააწესონ“,- ნათქვამია განცხადებაში.

შეგახსენებთ, გუშნინ, 16 დეკემბერს ევროკავშირის საგარეო საქმეთა მინისტრების შეხვედრაზე, საქართველოს საკითხზე იმსჯელეს. შეხვედრაზე საუბარი იყო დიპლომატიური პასპორტის მფლობელებისთვის უვიზო რეჟიმის შეჩერების საჭიროებაზე. კომისია წინადადებას ამ წელსვე წარადგენს.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს