ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი  დავით ბაქრაძე ნორვეგიის სამეფოში, ქ.ოსლოში სამუშაო ვიზიტის ფარგლებში ნორვეგიის თავდაცვის სამინისტროს სახელმწიფო მდივანს ოისთაინ ბოს შეხვდა. 

შეხვედრაზე დავით ბაქრაძემ მადლიერება გამოხატა ნორვეგიული მხარის მიმართ საქართველოს ნატო-ში ინტეგრაციის პროცესის მტკიცე მხარდაჭერისთვის. მხარეებმა 2016 წლის ვარშავის სამიტისთვის მზადებასა და მოლოდინებზე ისაუბრეს. განსაკუთრებით აღინიშნა ჩრდილო-ატლანტიკური ალიანსის მხარიდან ღია კარის პოლიტიკის გაგრძელების მნიშვნელობა. სახელმწიფო მინისტრმა იმედი გამოთქვა, რომ საქართველოს მიერ მიღწეული პროგრესი და ალიანსთან თანამშრომლობის მექანიზმების წარმატებით განხორციელება ადეკვატურად აისახება ნატო-ს გადაწყვეტილებებში. 

თავის მხრივ, ნორვეგიის თავდაცვის სამინისტროს სახელმწიფო მდივანმა დაადასტურა ნორვეგიის ურყევი მხარდაჭერა, როგორც საქართველოს ევროატლანტიკური მისწრაფებების, ისე ქვეყნის ტერიტორიული მთლიანობისა და სუვერენიტეტის მიმართ. ოისთაინ ბომ მადლიერება გამოხატა ქართული მხარის მიმართ ავღანეთში ნატოს სამშვიდობო ოპერაციაში საქართველოს მიერ განხორციელებული მნიშვნელოვანი კონტრიბუციისა და შეტანილი წვლილისათვის. 

შეხვედრაზე განსაკუთრებით აღინიშნა საქართველოში დემოკრატიული ინსტიტუტების განმტკიცების, ასევე, ქვეყნის თავდაცვისუნარიანობის ამაღლების მიმართულებით გადადგმული ნაბიჯები. ხაზი გაესვა, რომ ნორვეგიული მხარე მომავალშიც განაგრძობს  საქართველოს ხელშეწყობას და  პრაქტიკულ დახმარებასთავდაცვის სფეროში ექსპერტული და ტექნიკური თვალსაზრისით.   

შეხვედრაზე მხარეებმა სტრატეგიული კომუნიკაციის კუთხით საქართველოსა და ნატო-ს შესაბამის სტრუქტურებს შორის თანამშრომლობის გაძლიერების გზებსა და პერსპექტივებზეც ისაუბრეს.   

ვიზიტის ფარგლებში, ასევე, გაიმართასახელმწიფო მინისტრის შეხვედრა ნორვეგიის წამყვან კვლევით ცენტრში „საერთაშორისო საქმეთა ნორვეგიული ინსტიტუტი (NUPI)”. შეხვედრაში სხვადასხვა ანალიტიკური ინსტიტუტების მკვლევარები მონაწილეობდნენ. დავით ბაქრაძემ საქართველოს ევროპულ და ევროატლანტიკურ სტრუქტურებში ინტეგრაციის პროცესზე, ქვეყანაში მიმდნარე რეფორმებზე, რეგიონში არსებულ ვითარებასა და საქართველოს წინაშე არსებულ საგარეო გამოწვევებზე ისაუბრა და შეხვედრის მონაწილეების შეკითხვებსაც უპასუხა. 

ვიზიტის ბოლოს ნორვეგიის სამეფოში საქართველოს საელჩოში გაიმართა დავით ბაქრაძის შეხვედრა ქართველ სტუდენტებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს