29 დეკემბერს შედგება ინაუგურაცია და ახალი პრეზიდენტის ფიცის დადების მომენტიდან ზურაბიშვილს აღარ ექნება პრეზიდენტის პოზიცია,- ამის შესახებ პარლამენტის თავმჯდომარემ, შალვა პაპუაშვილმა ჟურნალისტებს განუცხადა.

პაპუაშვილმა მოუწოდა პრეზიდენტ სალომე ზურაბიშვილს, რომ დაემორჩილოს საქართველოს კანონმდებლობას და არ მოაწყოს საბოტაჟი.

„რაც შეეხება სალომე ზურაბიშვილს, მან ყველანაირ ნორმას კონსტიტუციის, კანონის, ადამიანური ეთიკის ნორმებს გადააბიჯა და მისი მხრიდან მსგავსი განცხადებები არაა გასაკვირი. მოვუწოდებ მას და პრეზიდენტის ადმინისტრაციას, რომ დაემორჩილონ საქართველოს კანონმდებლობას. 29 დეკემბერს შედგება ინაუგურაცია და ფიცის დადების მომენტიდან სალომე ზურაბიშვილს აღარ ექნება პრეზიდენტის პოზიცია. ჩემი მოწოდება მხოლოდ ისაა, რომ ქართველ ხალხს კიდევ ერთხელ არ უღალატოს იმით, რომ დაიწყოს საბოტაჟი. არ მგონია, რომ ასე უტიფრად წავიდეს ქართველი ხალხის ნების წინააღმდეგ. ქართველმა ხალხმა მას პასუხი გასცა 26 ოქტომბერს. ასე რომ, ქართველმა ხალხმა მას არჩევნებზე გასცა პასუხი. ერთადერთი მოწოდებაა, რომ დაემორჩილოს ქართველი ხალხის ნებას“,- განაცხადა პაპუაშვილმა.

შეგახსენებთ, დღეს, 14 დეკემბერს პარლამენტში საქართველოს მეექვსე პრეზიდენტის არჩევნები იმართება. პრეზიდენტობის კანდიდატად მიხეილ ყაველაშვილია დასახელებული. ყაველაშვილის კანდიდატურა 27 ნოემბერს გამართულ ბრიფინგზე „ქართული ოცნების“ საპატიო თავმჯდომარე ბიძინა ივანიშვილმა წარადგინა.​

აღსანიშნავია, რომ საქართველოს მოქმედ პრეზიდენტ სალომე ზურაბიშვილს, რომელიც 2018 წლის 28 ნოემბერს აირჩიეს, უფლებამოსილების ვადა დეკემბერში ეწურება.

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი