სახელოვნებო სფეროს წარმომადგენლები ამ წუთებში მსვლელობით იუსტიციის სახლის შენობიდან პოლიციის განყოფილებებისკენ მიემართებიან.

მსახიობები, რეჟისორები და მუსიკოსები საპროტესტო აქციაზე დაკავებული ადამიანების გათავისუფლებას მოითხოვენ.

„პირველ რიგში ვიტყვი, რომ აღარ დარჩა ქვეყანაში ინსტიტუცია, რომელიც მე, ამ ქვეყნის მოქალაქეს, თავს დაცულად მაგრძნობინებს. მოქალაქეებს შიშველი ხელებით მშვიდობისთვის ბრძოლა გვიწევს. მშვიდობისთვის იბრძვის ის ხალხი, 10-დღეზე მეტია დგას რუსთაველზე. ჩვენ მსახიობები გავიფიცეთ და ძალიან დიდი იმედი მაქვს, ეს გაფიცვა იქნება გადამდები და გავრცელდება სხვა პროფესიის ადამიანებზეც“,- უთხრა „მთავარ არხს“ აქციის მონაწილემ.

შეგახსენებთ, საპროტესტო აქციებმა დედაქალაქი და ქვეყნის სხვა ქალაქები მას შემდეგ მოიცვა, რაც „ქართული ოცნების“ 28 ნოემბრის გადაწყვეტილება საზოგადოებისთვის ცნობილი გახდა. გადაწყვეტილების თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. საპროტესტო აქციები დედაქალაქსა და ქვეყნის რამდენიმე ქალაქში 10 დღეზე მეტია უწყვეტად მიმდინარეობს.

ავტორი: ექსპრესნიუსი,

სოციალური ქსელები

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის