არც ხალხს და არც ივანიშვილს პუტინთან ერთად - უკან დასახევი გზა არცერთ მხარეს აღარ აქვს,- ამის შესახებ „კოალიცია ცვლილებისთვის“ ერთ-ერთი ლიდერმა, ნიკა მელიამ რუსთაველის გამზირზე მიმდინარე აქციაზე განაცხადა.

როგორც მელიამ აღნიშნა, „ეს სინქრონიზებული გადაწყვეტილებაა - აქ კობახიძის ბრიფინგი და იქ პუტინის ნახევარ საათში გავრცელებული განცხადება, გასაგებია, რომ შეთანხმებით იყო, ამიტომ, ხალხი იღებს ძალაუფლებას ხელში, ეს პროცესი აღარ შეჩერდება“.

„ეს ის არის, რაც მოსალოდნელი იყო, რომ მოხდებოდა და მოხდა, შეიძლება, უფრო ადრე, ვიდრე ელოდნენ, მაგრამ მოხდა. უკან დასახევი გზა არცერთ მხარეს აღარ აქვს - არც ხალხს და არც ივანიშვილს პუტინთან ერთად. ეს სინქრონიზებული გადაწყვეტილებაა - აქ კობახიძის ბრიფინგი და იქ პუტინის ნახევარ საათში გავრცელებული განცხადება, გასაგებია, რომ შეთანხმებით იყო, ამიტომ, ხალხი იღებს ძალაუფლებას ხელში, ეს პროცესი აღარ შეჩერდება. იქ, სადაც არის ხალხის წრფელი პროტესტი, გამორიცხულია უკან დახევა. ან რუსეთი ან საქართველო და ევროპული მომავალი, ან პუტინი, ან ქართველი ხალხი, ან მოსკოვი ან თბილისი - ეს არის, რა დილემის წინაშეც ვდგავართ. ამ საკითხის გარშემო ოპოზიციურ ჯგუფებში არის ბევრისთვის ნანატრი კონსენსუსი მოძებნილი და ერთობა“,- განაცხადა ნიკა მელიამ.

შეგახსენებთ, დღეს, 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, მიღებულია გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

კობახიძის განცხადების შემდეგ, თბილისი და საქართველოს სხვა ქალაქები საპროტესტო აქციებმა მოიცვა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა