2024-11-28 23:57:06, 388 ნახვა

---

პრეზიდენტი სპეცრაზმს - თქვენი მოვალეობაა, დაიცვათ სახელმწიფოებრიობა, მოქალაქეები - რუსეთს ემსახურებით თუ საქართველოს?

თქვენი მოვალეობაა, დაიცვათ სახელმწიფოებრიობა, მოქალაქეები - რუსეთს ემსახურებით თუ საქართველოს,- ასე მიმართა საქართველოს პრეზიდენტმა, სალომე ზურაბიშვილმა თავისუფლების მოედანზე განლაგებულ სპეცრაზმელებს.

ზურაბიშვილმა სპეცრაზმელებს ასევე ჰკითხა, თუ ვის წინაშე აქვთ დადებული ფიცი.

„თქვენი მოვალეობაა, რომ დაიცვათ ამ ქვეყნის სახელმწიფოებრიობა, დაიცვათ მოქალაქეები. თქვენი მოვალეობა არაა, რომ დაშალოთ ხალხი.

რუსეთს ემსახურებით თუ საქართველოს? ფიცი ვის წინაშე დადეთ? მაინტერესებს პასუხი, თქვენს პრეზიდენტს არ პასუხობთ? თქვენს მომავალზე არ ფიქრობთ ხომ? არც თქვენი შვილების? არც თქვენ წინაპრებზე?“- მიმართა პრეზიდენტმა სპეცრაზმელებს.

ცნობისთვის, საქართველოს პრეზიდენტი სალომე ზურაბიშვილი თბილისში, პარლამენტთან მიმდინარე საპროტესტო აქციაზე მივიდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი