ირანის სულიერი ლიდერი აიათოლა ალი ხამენეი ლიბანში განვითარებულ მოვლენებს ეხმაურება და აცხადებს, რომ რეგიონის ბედს "წინააღმდეგობის ძალები გადაწყვეტენ".

ხამენეი მუსლიმებს მოუწოდებს, "დადგნენ ლიბანის ხალხისა და ამაყი "ჰეზბოლას" გვერდით და დაეხმარონ მათ ბოროტ რეჟიმთან [ისრაელი] დაპირისპირებაში".

"ამ რეგიონის ბედს გადაწყვეტენ წინააღმდეგობის ძალები, წინა ხაზზე "ჰეზბოლასთან" ერთად",- ამბობს აიათოლა ალი ხამენეი.

აღსანიშნავია, რომ ირანის სულიერმა ლიდერმა აღნიშნული განცხადება მას შემდეგ გააკეთა, რაც ისრაელმა "ჰეზბოლას" ლიდერის, ჰასან ნასრალას ლიკვიდაციის შესახებ განაცხადა.

პარალელურად, ვრცელდება ინფორმაცია, რომლის მიხედვითაც, ნასრალას ლიკვიდაციის შემდეგ ხამენეი უსაფრთხო ადგილას გადაიყვანეს.

შეგახსენებთ, დღეს, 28 სექტემბერს ისრაელის თავდაცვის ძალებმა (IDF) განაცხადა, რომ ლიბანის დედაქალაქ ბეირუთზე მიტანილი იერიშის შედეგად, "ჰეზბოლას" ლიდერის, ჰასან ნასრალას ლიკვიდაცია განხორციელდა. 

ავტორი: ექსპრესნიუსი,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა