შინაგან საქმეთა სამინისტროს აკადემიის რექტორმა ნუკრი გელაშვილმა და საქართველოს სახელმწიფო დაცვის სპეციალური სამსახურის უფროსმა ანზორ ჩუბინიძემ სახელმწიფო დაცვის სპეციალური სამსახურის თანამშრომლებს სპეციალური ტრენინგის წარმატებით დასრულება მიულოცეს და სერტიფიკატები გადასცეს. ღონისძიებას სახელმწიფო დაცვის სპეციალური სამსახურის და შსს-ს აკადემიის წარმომადგენლები დაესწრნენ.

შსს-ს აკადემიაში ოთხი დღის განმავლობაში მიმდინარეობდა ინსტრუქტორთა მომზადების სპეციალური მოკლევადიანი კურსი (ტრენერთა ტრენინგი) და მასში სახელმწიფო დაცვის სპეციალური სამსახურის სასწავლო ცენტრის ინსტრუქტორებმა და პედაგოგებმა მიიღეს მონაწილეობა.
აღნიშნული კურსი მიზნად ისახავს სახელმწიფო დაცვის სამსახურის სასწავლო ცენტრის პედაგოგთა და ინსტრუქტორთა სწავლების უნარ-ჩვევების გაუმჯობესებას. ტრენინგის პროცესში განსაკუთრებული აქცენტი გაკეთდა ისეთ საკითხებზე, როგორებიცაა სწავლების თანამედროვე მეთოდები, პრეზენტაციის უნარები, სწავლების მეთოდოლოგია. კურსი თეორიულ საკითხებთან ერთად პრაქტიკულ სავარჯიშოებსაც მოიცავდა.
ტრენინგის მონაწილეებისთვის სერტიფიკატების გადაცემის შემდეგ საქართველოს სახელმწიფო დაცვის სპეციალური სამსახურის და შსს-ს აკადემიის ხელმძღვანელებმა ურთიერთანამშრომლობის გაღრმავების აუცილებლობასა და სამომავლო პერსპექტივებზე ისაუბრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს