ვენესუელის პრეზიდენტის, ნიკოლას მადუროს განცხადებით, საკუთარი ხელისუფლების დასაცავად "ყველაფერს გააკეთებს".

მადურომ, რომელიც სამხედროებს შეხვდა, მისი მისამართით გამოთქმულ კრიტიკაზე ისაუბრა და ევროკავშირში გაკეთებულ განცხადებებსაც გამოეხმაურა.

“ევროკავშირი არის სამარცხვინო“,- თქვა მადურომ. 

როგორც მან აღნიშნა, ის "ვენესუელაში გადატრიალების მცდელობას უპირისპირდება".

პრეზიდენტმა ოპონენტებიც გააკრიტიკა და მათ "ბინძური ვირთხები და ბოროტი ძალები" უწოდა - შემდეგ კი, ადოლფ ჰიტლერს, ბენიტო მუსოლინსა და ფრანცისკო ფრანკოს შეადარა და აღნიშნა, რომ "არასდროს დანებდება".

შეგახსენებთ, 28 ივლისს, ვენესუელაში საპრეზიდენტო არჩევნები გაიმართა, რომლის ოფიციალური შედეგებითაც, მოქმედმა პრეზიდენტმა და პრეზიდენტობის კანდიდატმა, ნიკოლას მადურომ გაიმარჯვა. ვენესუელის ოპოზიციამ შედეგები არ აღიარა და განაცხადა, რომ არჩევნებში ოპოზიციურმა კანდიდატმა, ედმუნდო გონსალესმა გაიმარჯვა. აღნიშნულის შემდეგ დედაქალაქ კარაკასსა და სხვა დიდ ქალაქებში მასშტაბური საპროტესტო აქციები დაიწყო.

ქვეყანაში არსებულ ვითარებას გამოეხმაურა ევროკავშირი და თქვა, რომ "არჩევნების შედეგების აღიარება შეუძლებელია" და რომ EU ვენესუელაში "თვითნებური დაკავებების მზარდი რაოდენობისა და ოპოზიციის შევიწროების გამო, სერიოზულად შეშფოთებულია". როგორც ევროკავშირის უმაღლესმა წარმომადგენელმა გამოქვეყნებულ განცხადებაში აღნიშნა, "კავშირმა მოუწოდა ვენესუელის ხელისუფლებას, შეწყვიტოს თვითნებური დაკავებები, რეპრესიები და ძალადობრივი რიტორიკა ოპოზიციის წევრებისა და სამოქალაქო საზოგადოების მიმართ და ყველა პოლიტიკური პატიმარი გაათავისუფლოს ".

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.