2024-07-24 09:45:01, 490 ნახვა
მსოფლიო
რუსეთმა იაპონიის 13 მოქალაქეს რუსეთში შესვლა სამუდამოდ აუკრძალა
ტოკიოს სანქციების საპასუხოდ, რუსეთმა იაპონიის 13 მოქალაქეს ქვეყანაში შესვლა აუკრძალა. ამის შესახებ ინფორმაციას რუსული პროპაგანდისტული მედია Tass-ი, რუსეთის საგარეო საქმეთა სამინისტროს განცხადებაზე დაყრდნობით ავრცელებს.
მედიის ცნობით, საგარეო საქმეთა სამინისტრომ სანქციები დაუწესა იაპონიის საერთაშორისო თანამშრომლობის სააგენტოს პრეზიდენტს, ტანაკა აკიჰიკოს, Toyota Motor Toyoda Akio-ს საბჭოს თავმჯდომარეს, Rakuten-ის კორპორაციის დამფუძნებელ მიკიტანი ჰიროშისა და სხვებს.
უწყება განმარტავს, რომ გადაწყვეტილების მიღების საფუძველი "სპეციალურ სამხედრო ოპერაციასთან" დაკავშირებით, რუსეთის წინააღმდეგ იაპონიის დაწესებული სანქციებია.
სანქცირებულ მოქალაქეებს რუსეთში შესვლა სამუდამოდ აეკრძალათ.
ავტორი: ექსპრესნიუსი,
epn.ge (@expressnews.ge)
