"მსგავსი ფორმატი ჩვენს ქვეყნებს შორის პოლიტიკურ დიალოგს კიდევ უფრო გააღრმავებს და მოგვცემს საშუალებას საერთო ინტერესების მქონე აქტუალური თემები მაღალ დონეზე განვიხილოთ", - ამის შესახებ საგარეო საქმეთა მინისტრმა მიხეილ ჯანელიძემ თურქეთის საგარეო საქმეთა მინისტრთან შეხვედრის შემდეგ პრესკონფერენციაზე განაცხადა.

როგორც მიხეილ ჯანელიძემ აღნიშნა, საქართველოსა და თურქეთს შორის, სავაჭრო ეკონომიკური ურთიერთობები აქტიურად ვითარდება, მაგრამ შესაძლებლობების კიდევ გარკვეული პოტენციალი ჯერაც გამოუყენებელია.

"თავისუფალი ვაჭრობის სივრცის შეთანხმებას მოვაწერეთ ხელი. ამ შეთანხმებით, ჩვენმა კერძო სექტორმა, ბიზნესმა, ამ მხრივი თანამშრომლობით უფრო მეტი სარგებელი უნდა მიიღოს", - აღნიშნა მინისტრმა.

ჯანელიძეს თქმით, საუბრისას მათ დიდი ყურადღება ენერგეტიკულ საკითხბეზე თანამშრომლობას დაუთმეს.

"ვისაუბრეთ სატრანსპერტო დერეფნის განვითარებისა და კონკურენტუნარიანობის ამაღლებისადმი საჭირო ღონისძიებების ჩატარებაზე და აღვნიშნეთ ბაქო-თბილისი-ყარსის სარკინიგზო მაგისტრალის უახლოეს მომავალში ამოქმედების აუცილებლობაც", - განაცხადა საქართველოს საგარეო საქმეთა მინისტრმა.

როგორც ჯანელიძემ განაცხადა, საქართველო-თურქეთის თავდაცვისა და უსაფრთხოების სფეროში თანამშრომლობა წარმატებით ვითარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს

ფეხბურთის მსოფლიო ჩემპიონატის ღია ჩვენებასთან დაკავშირებით, 7 ივლისიდან 21 ივლისის ჩათვლით, პირველი რესპუბლიკის მოედანზე მოძრაობა დროებით შეიზღუდება

კიევში 7 ივლისი გლოვის დღედ გამოცხადდა

როგორ დაბრუნდა ქურდული ესთეტიკა TikTok-სა და მოზარდების სხეულებზე