2024-07-15 19:33:33, 484 ნახვა

---

კოლომინა - ნატო საქართველოს მთავრობას დემოკრატიული ინსტიტუტების გაძლიერებისა და რეფორმების დააჩქარებისკენ მოუწოდებს

ნატო საქართველოს მთავრობას დემოკრატიული ინსტიტუტების გაძლიერებისა და რეფორმების დააჩქარებისკენ მოუწოდებს, - ამის შესახებ ნატოს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში, ხავიერ კოლომინა სოციალურ ქსელ X-ზე წერს.

როგორც კოლომინა აღნიშნავს, ნატო მხარს უჭერს საქართველოს სუვერენიტეტსა და ტერიტორიულ მთლიანობას და საქართველოსთან ხანგრძლივი პარტნიორობის ერთგულია.

"ნატო მხარს უჭერს საქართველოს სუვერენიტეტსა და ტერიტორიულ მთლიანობას, ერთგულია საქართველოსთან ჩვენი ხანგრძლივი პარტნიორობისა და მოუწოდებს მის მთავრობას დემოკრატიული ინსტიტუტების გაძლიერებისა და ევროატლანტიკური ინტეგრაციისკენ, ქართველი ხალხის მისწრაფებების ხელშეწყობის მიზნით, რეფორმები დააჩქაროს", - წერს კოლომინა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი