აშშ-ის სახელმწიფო მდივნის მოადგილე უზრა ზეია 9-17 ივლისს საქართველოსა და სომხეთს ეწვევა. ამის შესახებ ინფორმაციას აშშ-ის სახელმწიფო დეპარტამენტი ავრცელებს.

აშშ-ის სახელმწიფო დეპარტამენტის განცხადებაში ნათქვამი, რომ აშშ-ის სახელმწიფო მდივნის მოადგილე ვიზიტისას განიხილავს დემოკრატიული მმართველობის, კორუფციასთან ბრძოლის, მედიის თავისუფლებისა და გამოხატვის თავისუფლების, ასევე მარგინალიზებული და დაუცველი ჯგუფების ჩართულობის საკითხებს.

„საქართველოში ვიზიტისას აშშ-ის სახელმწიფო მდივნის მოადგილე შეხვდება მთავრობის, სამოქალქო სექტორის, მედიის და პარლამენტის წარმომადგენლებს, რათა ხაზი გაუსვას აშშ-ის სერიოზულ შეშფოთებას „უცხოური გავლენის“ შესახებ კანონსა და სხვა არალიბერალურ კანონმდებლობასთან დაკავშირებით, ისევე როგორც საქართველოს მთავრობის დამაზიანებელ რიტორიკასთან დაკავშირებით, რომელმაც საფრთხის წინაშე დააყენა საქართველოს ევროატლანტიკური გეზი.

მკაფიოდ განაცხადებს, რომ საქართველოს მთავრობის არადემოკრატიულმა ქცევამ და აშშ-ის შესახებ გავრცელებულმა დეზინფორმაციამ დააზიანა აშშ-ისა და საქართველოს დიდხნიანი ურთიერთობები. აშშ-ის სახელმწიფო მდივნის მოადგილე, ასევე, ხაზს გაუსვამს აშშ-ის ურყევ მხარდაჭერას საქართველოს სუვერენიტეტისა და ტერიტორიული მთლიანობის, ასევე, საქართველოს ხალხის ევროატლანტიკური ინტეგრაციისადმი ერთგულების მიმართ და საქართველოსთან 32-წლიანი პარტნიორობის პერიოდში საქართველოსთვის გაწეულ მხარდაჭერას. ამას გარდა, ის კიდევ ერთხელ გაამახვილებს ყურადღებას თავისუფალი და სამართლიანი არჩევნების, აქტიური სამოქალაქო სექტორის, ფუნდამენტური თავისუფლებების პატივისცემის გაზრდის, მარგინალიზებული ჯგუფების წევრთა დაცვისა და ყველა ქართველის უფლებების დაცვის მნიშვნელობას.

აშშ-ის სახელმწიფო მდივნის მოადგილე, ასევე, ვიზიტით ეწვევა რუსეთის მიერ საქართველოს განგრძობადი ოკუპაციის შედეგად იძულებით გადაადგილებული ქალების მიერ დაფუძნებულ საზოგადოებრივ ორგანიზაციას“, - ნათქვამია განცხადებაში.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას