ქედის მუნიციპალიტეტის მერი როლანდი ბერიძე, პირველ მოადგილესთან იმედა ვასაძესთან ერთად, სოფელ გეგელიძეების და ჯალაბაშვილების საჯარო სკოლის მოსწავლეებს შეხვდა. ამის შესახებ ინფორმაციას ქედის მერია ავრცელებს.

მერიის ცნობით, შეხვედრა პროექტის "საზაფხული ბანაკი მოსწავლეებისთვის" ფარგლებში გაიმართა.

"პროექტი სხვადსხვა მიმართულებებს მოიცავს, როგორიცაა: მუნიციპალიტეტის მერთან ვიზიტი და საქმიანობის გაცნობა, ვიზიტი ბათუმის შ. რუსთაველის სახელმწიფო უნივერსიტეტში და ლაშქრობის მოწყობა მუნიციპალიტეტის მთებში.   

პროექტში გეგელიძეებისა და ჯალაბაშბილების საჯარო სკოლის VII და XI კლასის მოსწავლეები არიან ჩართული.

შეხვედრას ქედის რესურსცენტრის დირექტორი დურმიშხან შავიშვილი, განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის უფროსი ეკატერინე ქაჯაია, ჯალაბაშვილების და გეგელიძეების საჯარო სკოლის პედაგოგები და პროექტის ხელმძღვანელები ესწრებოდნენ. 

შეხვედრაზე ახალგაზრდებმა მერს განათლების, პროფესიის, სწავლის დაფინანსების, მერის საქმიანობის შესახებ კითხვები დაუსვეს და მათთვის საინტერესო კითხვებზე პასუხი მოისმინეს.

პროექტი ქედის მუნიციპალიტეტის მერიისა და შპს ქედის ტურიზმის განვითარების ხელშეწყობის ცენტრის მხარდაჭერით ხორციელდება",- აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს