საუდის არაბეთში ჰაჯის დროს 1 301 ადამიანი დაიღუპა. ამის შესახებ ინფორმაციას BBC ავრცელებს.

ჰაჯის დროს ჰაერის ტემპერატურა 50 გრადუს ცელსიუსს აღემატებოდა. საუდის არაბეთის ოფიციალური საინფორმაციო სააგენტო SPA კი იტყობინება, რომ დაღუპულების უმეტესობა ის მომლოცველები არიან, რომლებსაც ჰაჯიზე ყოფნის ოფიციალური ნებართვა არ ჰქონდათ და სიცხეში შორ მანძილზე გადაადგილდებოდნენ.

სააგენტოს ცნობითვე, დაღუპულებს შორის ხანდაზმულები და ქრონიკული დაავადებების მქონე პირებიც არიან.

როგორც BBC წერს, საუდის არაბეთს აკრიტიკებენ იმის გამო, რომ არასაკმარისად იმოქმედა ჰაჯის უსაფრთხოების უზრუნველსაყოფად, განსაკუთრებით დაურეგისტრირებელი მომლოცველებისთვის, რომლებსაც არ აქვთ წვდომა ისეთ ობიექტებზე, როგორიცაა კონდიცირებული კარვები და ჰაჯის ოფიციალური ტრანსპორტი.

მსოფლიოს სხვადასხვა ქვეყანა ავრცელებს განახლებებს ჰაჯის დროს მათი დაღუპული მოქალაქეების რაოდენობის შესახებ. აღნიშნული განახლებების მიხედვით, საუდის არაბეთში დაღუპულთა შორის ეგვიპტის, ინდოეთის, ინდონეზიის, მალაიზიის, პაკისტანის, ირანის, სენეგალის, სუდანის მოქალაქეები არიან.

ცნობისთვის, ჰაჯი წმინდა ქალაქ მექაში მუსლიმთა ყოველწლიური პილიგრიმობაა. წელს ჰაჯიში მონაწილეობა, დაახლოებით, 1.8 მილიონმა ადამიანმა მიიღო.

ავტორი: ექსპრესნიუსი,

სოციალური ქსელები

ჟორჟოლიანი: რეფორმატორთა საბჭო „ნაციონალური მოძრაობისგან“ დამოუკიდებლად იმუშავებს

ანკარის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა