2024-05-21 16:11:29, 508 ნახვა
მსოფლიო
მოლდოვამ ევროკავშირთან უსაფრთხოებისა და თავდაცვის სფეროებში პარტნიორობის შეთანხმებას ხელი მოაწერა
მოლდოვამ ევროკავშირთან უსაფრთხოებისა და თავდაცვის სფეროებში პარტნიორობის შეთანხმებას ხელი მოაწერა, - ამის შესახებ ევროკავშირის უმაღლესი წარმომადგენელი ჯოზეფ ბორელი სოციალურ ქსელ X-ზე წერს.
როგორც ბორელი აღნიშნავს, პარტნიორობა გაზრდის ქვეყნის მდგრადობას და მათ უსაფრთხოების საერთო გამოწვევების ერთობლივად გადაჭრის საშუალებას მისცემს.
"მოლდოვა პირველი ქვეყანაა, რომელმაც ხელი მოაწერა უსაფრთხოებისა და თავდაცვის პარტნიორობას ევროკავშირთან.
ეს პარტნიორობა გაზრდის ქვეყნის მდგრადობას; საშუალებას მოგვცემს, ერთობლივად გადავჭრათ უსაფრთხოების საერთო გამოწვევები, გავხადოთ ჩვენი ჩართულობა უფრო ეფექტური და შევისწავლოთ თანამშრომლობის ახალი სფეროები", - წერს ბორელი.
ავტორი: ექსპრესნიუსი,
epn.ge (@expressnews.ge)
