„პრეზიდენტ სალომე ზურაბიშვილის ვეტო გამჭვირვალობის კანონზე იძლევა შემდგომი განხილვის შესაძლებლობას“, – წერს ევროსაბჭოს პრეზიდენტი შარლ მიშელი სოციალურ ქსელში.

ის მოუწოდებს ყველა პოლიტიკოსს და ლიდერს, ისარგებლონ ამ შესაძლებლობით, იუწყება საზოგადოებრივი მაუწყებელი.

„დღევანდელი სახით ეს კანონი არ შეესაბამება ევროკავშირის ღირებულებებსა და გზას. მოვუწოდებთ ყველა ქართველ პოლიტიკოსს და ლიდერს გამოიყენონ ეს შესაძლებლობა და უზრუნველყონ, რომ საქართველო დარჩეს ევროპულ კურსზე, რომელსაც მხარს უჭერს მოსახლეობა. მე ყურადღებით ვაკვირდები საქართველოში განვითარებულ მოვლენებს“, - წერს ჩარლზ მიშელი.

შეგახსენებთ, რომ 18 მაისს საქართველოს პრეზიდენტმა ვეტო დაადო პარლამენტის მიერ 14 მაისს მესამე მოსმენით მიღებულ კანონს „გარე გავლენის გამჭვირვალობის შესახებ“ (მას მხარი 84-მა დეპუტატმა დაუჭირა).

„კანონი არ ექვემდებარება რაიმე ცვლილებას ან გაუმჯობესებას. ეს კანონი უნდა გაუქმდეს“, - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით