2024-05-14 19:06:45, 464 ნახვა
პოლიტიკა
სააკაშვილი - დღეს, საქართველოს პარლამენტმა ცივილიზებულ სამყაროსთან კავშირი გაწყვიტა
დღეს, საქართველოს პარლამენტმა ცივილიზებულ სამყაროსთან კავშირი გაწყვიტა, - ასე ეხმაურება საქართველოს მესამე პრეზიდენტი მიხეილ სააკაშვილი „უცხოური გავლენის გამჭვირვალობის შესახებ“ კანონპროექტის მესამე მოსმენით მიღებას.
როგორც სააკაშვილი სოციალურ ქსელში წერს, „საქართველოს გადარჩენა კვლავ ქართველი ხალხის ხელშია“.
„2004 წელს ასლან აბაშიძემ ჩატეხა ხიდები დანარჩენ საქართველოსთან. მაშინ ქართველმა ხალხმა გადაარჩინა საქართველოს ერთიანობა.
დღეს, საქართველოს პარლამენტმა გაწყვიტა კავშირი ცივილიზებულ სამყაროსთან, დღესაც საქართველოს გადარჩენა კვლავ ქართველი ხალხის ხელშია…
ოლიგარქმა ქართველ ხალხს ომი გამოუცხადა. ხალხმა უნდა დაიცვას თავი, წინააღმდეგ შემთხვევაში ყველას სათითაოდ მიწვდებიან. წინ საქართველო!” - წერს სააკაშვილი.
ავტორი: ექსპრესნიუსი,
epn.ge (@expressnews.ge)
