2024-05-03 13:57:56, 492 ნახვა
პოლიტიკა
კალაძე სპორტსმენების მოწოდებებზე - ვუერთდები მოწოდებას „არა რუსულ კანონს“ - ქართულ კანონს კი, აუცილებლად მივიღებთ
დედაქალაქის მერმა, კახა კალაძემ მედიასთან კიდევ ერთხელ ისაუბრა „უცხოური გავლენის გამჭვირვალობის შესახებ“ კანონპროექტზე და განაცხადა, რომ საქართველოს ხელისუფლება „რუსულ კანონებს არასდროს მიიღებს".
მან ისაუბრა სპორტსმენების, მათ შორის, ფეხბურთელების ნაწილის მოწოდებებზეც და აღნიშნა, რომ „ეს არის ქართული კანონი, რომელიც აუცილებლად იქნება მიღებული".
„მეც ვუერთდები მოწოდებას „არა რუსულ კანონს“. რა თქმა უნდა, რუსული კანონები საქართველოში არასდროს მიღებულა და არც არასდროს მიიღება. აღნიშნული გამჭვირვალობის კანონი კი, არის სუფთა ქართული კანონი, რომელიც ჩვენი ქვეყნის ინტერესებსა და ხვალინდელ დღეს იცავს. ეს კანონი აუცილებლად იქნება მიღებული“,- თქვა კალაძემ.
ავტორი: ექსპრესნიუსი,
epn.ge (@expressnews.ge)
