საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი” ახალგაზრდულ პროექტებს  რეგიონებში განაგრძობს.

ცენტრის ინფორმაციით, პროექტი „გოგონათა  კლუბი“ გურიაში მდებარე სამ საზოგადოებრივ ცენტრში  - ნიგოეთში, ქვემო ნატანებსა და ხიდისთავში ჩატარდა.

ტრენინგებს ადგილობრივი საჯარო სკოლების  37 მოსწავლე გოგონა დაესწრო. პროექტის ფარგლებში ყურადღება გამახვილდა განათლების მნიშვნელობასა და იმ გამოწვევებზე, რომლებიც დგას გოგონების ცხოვრებაში. შეხვედრა მიმდინარეობდა დისკუსიის რეჟიმში და დატვირთული იყო სხვადასხვა სავარჯიშოებით. აღნიშნული ტრენინგის ფარგლებში გოგონებმა დასახეს მიზნის მიღწევის სტრატეგიები და წარმატებისთვის აუცილებელი ფაქტორები განსაზღვრეს.

 „გოგონათა კლუბი“ სსიპ „დანაშაული პრევენციის ცენტრის“ პროექტია, რომელიც თბილისში, მედიაციის სახლში უკვე ერთი წელია მიმდინარეობს.  მისი მიზანია 14-დან 18 წლამდე გოგონათა გაძლიერება და მათი საზოგადოებრივ საქმიანობაში ჩართულობის ხელშეწყობა.

ამ პროექტის მასშტაბურობის გაზრდის მიზნით  შეხვედრები იგეგმება  კახეთის,  ქვემო ქართლის და იმერეთის რეგიონებში არსებულ საზოგადოებრივ ცენტრებში.

როგორც ცნობილია, საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა. საზოგადოებრივი ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯ.დ. ვენსი: დიდი ხანია, რაც ბრიტანეთს საკუთარი ხელმძღვანელობა ღალატობს

თბილისის ანძა აშშ-ის დროშის ფერებში განათდა

კიევში, ამერიკის დამოუკიდებლობის 250-ე წლისთავის აღსანიშნავად, სამშობლოს მონუმენტი აშშ-ის დროშის ფერებში განათდა

აშშ-ში ექსტრემალურმა სიცხემ 25 ადამიანი იმსხვერპლა და 4 ივლისის აღნიშვნა ჩაშალა