სამცხე-ჯავახეთის დანიშნულების ადგილის მართვის ორგანიზაციის წევრების რიცხვი იზრდება. 22 მარტს, საწევრო ხელშეკრულებაზე ხელის მოწერით ორგანიზაციას სასტუმრო-სანატორიუმი „ბორჯომი პალასი“ შეუერთდა. 

საკურორტო ქალაქ ბორჯომში მდებარე „ბორჯომი პალასი“ რეგიონის წამყავნი სასტუმროა, რომელიც სამკურნალო და გამაჯანსაღებელ ტურიზმშია ჩართული. სასტუმრო განთავსებულია ისტორიულ შენობაში, რომელიც 1876 წელს სანატორიუმად გამოიყენებოდა; მოიცავს 164 ოთახს და მრავალფეროვან დასასვენებლ, გამაჯანსაღებელ და გასართობ სერვისებს. 

სამცხე-ჯავახეთის DMO საწევრო პაკეტებზე დაფუძნებული ორგანიზაციაა, რომლის წევრები რეგიონის სტუმართმასპინძლობის სექტორში ჩართული ბიზნესები, არასამთავრობო ორგანიზაციები და სხვა დაინტერესებული პირები შეიძლება იყვნენ. შესაბამისად, ორგანიზაციას აქვს შემუშავებული პაკეტები სხვადასხვა პროფილის მქონე ბიზნესების, ორგანიზაციებისთვის თუ ინდივიდუალური პირებისთვის. ორგანიზაცია უკვე წარმატებულად თანამშრომლობს რეგიონში არსებულ მსხვილ, საშუალო და მცირე მეწარმეებთან. 

ორგანიზაციის წევრობა კერძო სექტორისთვის, პირველი რიგში, ორგანიზაციის საერთო კრებაში მონაწილეობის და ხმის უფლებას გულისხმობს. წევრობის მიზანია კერძო-საჯარო სექტორს შორის თანამშრომლობის პრაქტიკის დანერგვა, რაც მნიშვნელოვანია რეგიონის ტურიზმის მდგრადი განვითარების ხელშესაწყობად.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს