საქართველოს თავდაცვის მინისტრი ირაკლი ჩიქოვანი საბერძნეთის რესპუბლიკის საგანგებო და სრულუფლებიან ელჩს, მარია თეოდორუსს შეხვდა. ამის შესახებ ინფორმაციას თავდაცვის უწყება ავრცელებს.

სამინისტროს ცნობით, შეხვედრაზე ხაზგასმით აღინიშნა საქართველოსა და საბერძნეთს შორის თავდაცვის სფეროში არსებული ნაყოფიერი თანამშრომლობა. 

"საუბარი შეეხო ორი ქვეყნის თავდაცვის სამინისტროებს შორის სტრატეგიულ და ექსპერტთა დონის ვიზიტებს, სამხედრო განათლების კუთხით გამოცდილების გაზიარებას, ასევე სხვადასხვა პრიორიტეტული მიმართულებით თანამშრომლობის საკითხებს. ყურადღება გამახვილდა საერთაშორისო სამხედრო წვრთნებში ერთობლივ მონაწილეობაზე. 

ირაკლი ჩიქოვანმა ბერძენ დიპლომატთან განიხილა, ორმხრივი თანამშრომლობითა და ნატოს ფორმატებით მხარდაჭერილი, სტანდარტიზაციის როლი თავდაცვის დაგეგმვაში. შეხვედრაზე, ასევე აღინიშნა ნატო-საქართველოს არსებითი პაკეტით (SNGP) გათვალისწინებული ინიციატივების განხორციელების საქმეში საბერძნეთის წვლილი. 

შეხვედრას საბერძნეთის თავდაცვის ატაშე პოლკოვნიკი სტეფანოს ლიკოპულოსი დაესწრო",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე