2024-02-13 12:49:54, 1004 ნახვა
მსოფლიო
რუსეთის შსს-მ ესტონეთის პრემიერ-მინისტრ კაია კალასზე ძებნა გამოაცხადა
რუსეთის შინაგან საქმეთა სამინისტრომ ესტონეთის პრემიერ-მინისტრ კაია კალასზე ძებნა გამოაცხადა. აღნიშნულის შესახებ ინფორმაციას რუსული პროპაგანდისტული მედია TASS-ი ავრცელებს.
მედიის ცნობით, ჯერჯერობით უცნობია, რა მუხლითაა აღძრული საქმე კაია კალასის წინააღმდეგ.
"კაია კალასი იძებნება სისხლის სამართლის კოდექსის მუხლით", - წერია რუსეთის შსს-ს განცხადებაში.
TASS-ის ცნობითვე, რუსეთის შინაგან საქმეთა სამინისტრომ ძებნილთა სიაში ესტონეთის სახელმწიფო მდივანი ტაიმარ პეტერკოპიც შეიყვანა.
ავტორი: ექსპრესნიუსი,
epn.ge (@expressnews.ge)
