2024-02-06 09:47:49, 1208 ნახვა
რეგიონი
წალენჯიხის მუნიციპალიტეტში ძლიერმა ქარმა პრობლემები შექმნა - მოგლეჯილია ხეები, დაზიანებულია ელექტროგადამცემი ხაზები
წალენჯიხის მუნიციპალიტეტში ძლიერმა ქარმა პრობლემები შექმნა. მერიის მიერ გავრცელებული ინფორმაციის თანახმად, სტიქიის შედეგად დაზიანებულია საცხოვრებელი სახლები, მოგლეჯილია ხეები, გზებზე შეზღუდულია მოძრაობა.
მერიის ცნობითვე, ძლიერმა ქარმა დააზიანა ელექტროგადამცემი ხაზები, რის გამოც, მოსახლეობის უმეტეს ნაწილს ელექტროენერგია არ მიეწოდება.
"მოგლეჯილმა ხემ დააზიანა ავტომობილი, მძღოლს საფრთხე არ ემუქრება. მუნიციპალიტეტის მთელ ტერიტორიაზე ზარალის აღწერა მიმდინარეობს",- აღნიშნულია წალენჯიხის მერიის ინფორმაციაში.
ავტორი: ექსპრესნიუსი,
epn.ge (@expressnews.ge)
