2024-01-16 17:32:25, 739 ნახვა

---

ბერბოკი - ღაზაში მიმდინარე მოვლენები ისრაელისთვის, ღაზაში მცხოვრები მოქალაქეებისა და მთელი მსოფლიოსთვის კატასტროფაა

ღაზაში მიმდინარე მოვლენები სრული კატასტროფაა ისრაელისთვის, ღაზაში მცხოვრები მშვიდობიანი მოქალაქეებისა და მთელი მსოფლიოსთვის, - ამის შესახებ გერმანიის საგარეო საქმეთა მინისტრმა, ანალენა ბერბოკმა დავოსის მსოფლიო ეკონომიკურ ფორუმზე სიტყვით გამოსვლისას განაცხადა.

როგორც ბერბოკი აღნიშნავს, გერმანიის საგარეო საქმეთა სამინისტრო "განუწყვეტლივ მუშაობს", რომ თავიდან იქნეს აცილებული "ის ნაპერწკალი, რომელმაც შესაძლოა, მთელი რეგიონი ჩაითრიოს".

"ჩვენ საგარეო საქმეთა სამინისტროს დონეზე განუწყვეტლივ ვმუშაობთ, რომ თავიდან ავიცილოთ ის ნაპერწკალი, რომელმაც შესაძლოა, მთელი რეგიონი ჩაითრიოს. ეს მხოლოდ კონკრეტულ რეგიონს არ ეხება, ჩვენ ამ ომის გავლენებს ვხედავთ უკრაინასთან მიმართებითაც. ვხედავთ, რომ მედია არ აშუქებს რუსეთის მხრიდან უკრაინელ მშვიდობიან მოქალაქეებზე ყველაზე მასშტაბურ თავდასხმებს“, - განაცხადა ბერბოკმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი